Ka Nupepa Kuokoa, Volume XLIII, Number 52, 25 December 1908 — NUI KA POE WAWAHIHALE. [ARTICLE]

NUI KA POE WAWAHIHALE.

He keu aku keia o na la maumaua o na hana wawahihale e loheloheia mai nei ma kekahi mau apana o ke Kulanakauhale nei, he hookahi no kumu nui o ka maau hele ana iloko o na hale o kekahi poe, mamuli mai no ia o ka nele o ka noho ana. Ua pau pulu na lahui like ole ma keia ano hana, ina e halawai mai ana lakou me ka nele. He nele ko kekahi poe mamuli oka hana ole, he nele ko kekahi poe mamuli o ka molowa i ka hele i ka hana, a he nele ko kekahi poe mamuli o ka pau o ke dala i ka piliwaiwai, ka mea nana e hookonokono aku ia lakou e imi i wahi e loaa ai ke dala j loaa ai ko lakou mau makemake. - Mamuli nae o ia kulana nele i alakaiia ai lakou e maau hele iloko o ko ha'i kauhale me ka manao e loaa mai na mea no' lakou e pono ai, eia nae ma ia hana ana, ua hookomo okoa aku lakou ia lakou iho iloko o ka pilikia oi ae, ina e loaa mai ana a paa i ka hopuia, ua hapala ae ka hopena o ia mau hana maluna o ko lākou mau ohana, ina he mau ohana kekahi o lakou. E lilo naē keia mau hana-wawahi hale i mea e makaala ai na ohana lehulehu i ko lakou mau home, no ke komo kuleana ole aku o kekahi mea iloko o ka hale, a pa paha; noke mai i ka hana i knkahi mea nona e mama ai i ka holo no kahi o kona pakele.

Ua manao loa na ona o na kaa otomobile a o ka poe na lakou e lealaiwa ana i kela ano kaa, o lakou ka ona o ke alanui, oiai e holo ana lakou me ka puahia nui me ka nana ole i kekahi poe e ae i kuleana i ke alanui, a mamuli o ia noonoo ole, i halawai mau ai he heluna nui ona kanaka me na ulia mai keia ano kaa mai. E hoomanao nae e k& lehulehu, ua hoike ae ke keena o ka Loio Kuhina i ka manao leanawai, ua kuleana like kela ame keia mea i ke alanui, ine ka nana ole i na hana hoomaka'uka'u a ka poe e kalaiwa ana i kela ano kaa, a no ka mea ina e loaa mai ana he poino mai kela poe kaa mai o lakou no ke poino ana i na, koi poho e koiia aku ana maluna o lakou. :

o ke kumu o ka palukuia ana o kekahi o na makaikiu e kekahi mau kanaka elua ma ka po o ka Poakolu aku nei o ka pule i hala, mamuli no ia o kona komo kuleana ole ana iloko o ka hale a laua e ana. Ua hopuia kela mau kanaka mamuli ō ka oleloike a ka makaikiu, aka nae mamuli o ka hooloheia ana o ka moolelo o ke ano o ka hoehaia ana o ka makaikiu, ua ike na poo o ka oihana makai, i lea pololei o ia hoeha ia āna o ka makāi; a hookuuia kela mau kanāka.