Ka Nupepa Kuokoa, Volume XLIII, Number 52, 25 December 1908 — LEO HOOMAIKAI. [ARTICLE]

LEO HOOMAIKAI.

0 makou o na liaumana o ke Kula Sabati o Wainee, Lahaina, Maui ma o ko makou komite la ke haawi aku nei i ko makou mau leo hoomaikai nui ia Mrs. Julia Seong ; ke alakai o na hana kokua ame na opio kokua nui, Miss Daisy Apo, Miss Rose Otis, ame na opio e ae i komo a paahana pu iloko o ka hana a ko oukou mau puuwai i mea e loaa ai a e hoopau ae ai i kekahi mau hemahema o ka Ekalesia o Wainee. Mamuli o ko oukou hooikailea ana ma ka hoala ana i kekahi Ahamele i malamaia ma ka po Poaono, Dekemaba 12, 1908 ma Halealoha Hall, i loaa ai lie 55 dala. Me ka naau hemolele ame na lima lahalaha o ia mau dala apau i loaa ua hookomo ia no ka waihona o ka Ekalesia me na manao lokahi iloko o oukou ka poe nana i imi ahaawi mai i keia kokua nui i ko makou Ekalesia. Hooholoia, Ma ka aoao o ke Kula Sabati ke haawi aku nei i ko makou hoomaikai nui ia. oukou pakahi ap.au ka poe i komo pu iloko o na hana kokua a ke noi nei ko makou mau leo hoomaikai ia lehova Sabaota ke Akua 0 ka Iseraela a o ko oukou wahi c malu ai e hoomau mai Oia a e alakai mau loa aku ia oukou iloko o na hana maikai. apau a e hoopili pu mai i.na pono ame na pomaikai i na la o ko oukou noho opiopio ana. Me keia mau leo hooinaikai ia oukou e launa nui mai me oukou ke aloha o ko kakou Haku lesu i mau ai ka hanohano maluna o oukou i keia wa a 1 ka wa pau ole, Amene. GEO. K. PAAOAO. Komite. Lahaina, Maui, Dekemaba 21, 1908.