Ka Nupepa Kuokoa, Volume XLIII, Number 52, 25 December 1908 — NO KEO KAMIKA O KEKAHI NO IA O NA KAULA WAHAHEE. [ARTICLE]

NO KEO KAMIKA O KEKAHI NO IA O NA KAULA WAHAHEE.

Dear Kuokoa, Aloha kaua: —Ma ka Nupepa Ke Aloha Aina o ka Poaono aku la, la 19 i ike ilio ai au i kela mau hopuuaolelo inaluna ae me ko'u hoohewahewa ole ua koho iho la no au aole aku la keia he mea e ae, aka o kuu Kaula aloha no o losepa Kamika. Ke kanaka hoi a ke Akua i hoala mai ai noloko o ka ohana a Eparaima i kaula i Mea ike, Mea Unuhiolelo, no ke kenekulia 19 i aui aku la a kuu makamaka Kristiano hoi Mr. Kaiminaauao i papahi lokomaikai ae ai maluna o ka lae o keia kanaka i ka lei wanawanao'a o ka hoonaaikola, maluna no nae hoi ia o ke kahua o ke kuhihewa am<? ka maopopo ole. A oiai, ua make kahiko keia kanaka i ka la 27 o Augate 1844 pela au e manao nei, e ae maikai mai ana no oe ame ka lehulehu, e pane aku hoi ma o ka hapa la o keia kanaka, oiai ua maopopo ae la hoi kahi: aoao o keia ninau, oia nei kekahi o loko o ka auna Kaula wahahee. Ka Hana a losepa Kamika. 0 Kamika ka Opio o 14' makahiki ka i waiho aku i kana noi mua loa i ke Akua maloko o ka waonahele mehameha o ka Mokuaina o Nu loka mahope iho o kona hele pakahi ana e hoolohe i na a'o ana a na Ekaleaia like ole ame ko,u Ekalesia Kakolika Hemolele kekahi. O ka Ekaleaia hea ia o keia mau Ekalesia e ku nei' kou Ekalesia a'u e komo aku ai? Aole loa oe e komo iloko o kekahi o lakou no ka mea, na ke kanaka ia mau Ekalesia i kukulu, e like me ko lakou manao iho, a ua helehewa lakou apau, wahi a ka Haku. A na ka Anela oia i bapetizo i ka wai nui, a na ka Anela no oia i kaulima i mea e loaa ai o ka Uhane Hemolele, oiai ,aohe he mea me ia Oihana KaKuna Melekisedeka e ola ana ia wa. A o keia iho la ka wa i hoihoi hou ia mai ai o ka Oihana Kahuna Kiekie i ka honua nei niahope iho o ka laweia ana e ke Akua i ka lani, oiai ua pau na haumana i ka make a koe o loane a aa loane keia e hoike nei penei: A ike aku la au i kekahi anela hou e le]e ana iwaena o ka lani me ka Euanelio mau loa e ao ai i ka poe e noho la ma ka honua. Hoik. 14:6. A o ko Kamika kukulu ana i ka Ekalesia o lesu Kristo no na Poe Hoano o na la Hope nei i ka la 6 o Aperila, 1830. O ka mua loa iho la ia o ka Ekalesia oiaio o ke Akua i kukuluia ai mahope 'iho o kona hoihoi ia ana, aku i ka waonahele ma kahi a ke Akua i hoomakaukau ai nona i hanai lakou iaia malaila i na la (makahiki) 1260. Hoik. 1.6. A penei ka ia nei hoonohonoho ana: He .12 liinaolelo, .he kaula, he kahuna ha'iolelo, Kahu Ekalesia ame na kumu. O keia ae la ka hiohiona o ka Ekaleaia ana i kukulu ai. A i loli iki ae ai ma o ka inoa la e like me ia mamua ae nei (lioonphonoho houia). 0 na kulana Oihana no nae, oia mau no ia a hilei mai i keia la, a o na loina ano nui no o ka Euanelio i a'o ia ai e lesu Kristo, na haumana, ame ko lesu Kristo Ekalesia e a'o ia nei, he ola mau no ia i keia hora, penei: 1. O ka manaio i na olelo apau loa a ke Akua. 2. O ka mihi. 3. 0 ka bapetizo i ka wai nui i mea e kalaia mai ai na hewa. 4. O ke kaulima ana a ka mea i loaa ka mana o ka Oihana Melekisedeka. 5. Ke alahou ana o l<a poe make anie ka hoopa'i mau loa ana. Heb. 6:1-2. E hoomanao ia lie nui aku na mea a keia kanaka i hana ai, aka ua mana ono hoi au ua lawa loa no hoi keia mau hoaiai ana no keia wa. Owai la ke Nahoahoa Ana? Ke a'o mai nei na Kakolika' Hemolele apau no hoi me oe e Dear Kaiminaauao o kou Ekalesia Kakolika o keia la oia no lea Ekalesia a ka llaku lesu Kristo i kukulu ai ma ka aina o Palesetine a kulanakauhale hoi o lerusalema. A ina pela io ka mea oiaio ea, alaila e oluolu mai no oe e u hookuku like mai no kaua i ko Ekalesia Kakolika ame ka Ekalesia o lesu Kristo, a J. Kamika i kukulu ai e loaa no auanei ka haina a ka Uhane Hemolele ma o Paulo la penei kana: No ka mea o ke kane ke poo o ka wahine, e like me Kristo ke poo o ka Ekalesia. Epes6 5:23. 'Nolaila e ike mai no oe, aole he huaolelo Kakolika ma ke poo o ka Ekalesia, aka o ko Kristo ka huaolelo pololei, no keaha mai? No ka mea o lesu Kristo no ka 1 kaulia ma ke kea, aole loa hoi o Kakolika; alaila e ike mai no oe o ka oiaio mua keia ma ko Ka'mika aoao a pa pono no i ka oiwi. Ke i mai nei oe o ko oukou Ekalesia ke pani hakahaka oiaio mahope mai o Petero malia ua pololei io no paha onkou e like me ka oukou i manao ai, aka ke ku-e mai nei o lesu Kristo i ka oukou, ka mea nana i olelo mai ia loane e like me ia mamua ae nei. Hoik. 12:6. A e ike mai no oukou he elua Ekalesia o ke Akua ola, penei e maopopo ai. I.' O ka Ekalesia Kakolika ma lerusalema; o ka lua, 0 ka Ekalesia o ke Akua ma ka waonahele. Ama keia la e ke hoa, owai ana o oukou ke lilo ana i mea wahahēe o lesu paha, o oukou paha, noonoo mai ana? (Aole i pau.) J. MAHUKA.