Ka Nupepa Kuokoa, Volume XLIII, Number 52, 25 December 1908 — KUAIIA KA HOLO O KA MOKUAHI [ARTICLE]

KUAIIA KA HOLO O KA MOKUAHI

Mamuli o ka makemake loa o Rudolf Sprekles e hoea koke aku i Kapalakiko mamua ae o ka manawa e kaliia aku ai o ka hoopa'i maluna o Abraham Ruef, ua kaū okoa aku oia. maluna o ka Mokuahi Kepani Nippon Maru me ka nana ole i kona uku ana he elua haneri dala hoopa'i n 0 ke kau ana maluna o ka mokuahi o na aina e. Ua hoike ae kekahi o kona mau hoaloha, ua hana o Spreckles i kekahi aelike, nana e uku i na hoolilo lanahu o ka mokuahi i wahi nona e ku koke aku ai no Kapalakiko mamua ae o ke kauia ana aku o ka hoopa'i maluna o ke kanaka ana i hooikaika loa ai e kauia mai na ahewa ana a ke kanawai no ka alunu. Ua puapuai pu ae no hoi kekahi lono, aia ka he mau kumu hoopii e ae kekahi ana i makemake loa ai e lawe mai no ke ku-e ana aku i kela haole e kau aku ai ka hoopa'i hoopaahao no ka pau o kona ola, oiai ma ka hihia ona i ahewaia mai la, he mau makahiki wale no kona e paa ai maloko o ka halepaahao. Ma nehinei i hooholoia ai ka la no ke kau ana aku i ka hoopa'i maluna o Ruef, a ina e hoea e aku ana ka mokuahi mamua ae o ia manawa, .alaila e uku ana o Spreekles i na lanahu apau loa i hoohana ia aku no ka hoea koke ana o ka moku i Kapalakiko.