Ka Nupepa Kuokoa, Volume XLIII, Number 52, 25 December 1908 — PAKELE KE OLA O KEKAHI KAIKAMAHINE UKUU [ARTICLE]

PAKELE KE OLA O KEKAHI KAIKAMAHINE UKUU

Ma ke kakahiaka o ka Poalua nei i holo ai ka lio o ke kaa lawe leka o Holokahiki me ke kaikamahine uuku a Mekia Winslow e kau ana iluna o ke kaa ma Waikiki ,a akelekele wale iho no kona pakele mamuli o ka haule ana mailuna aku o ke kaa. Me Mrs. Winslow no kela kaikamahine ma ia kakahiaka, a o laua no ka i hele pu no kahi e hoomoana nei o na poe. Eneginia ma kahi kokoke i kahi kahiko o Afong. Ua hoike mai la nae ua wahi kaikamahine nei i kona makemake e huli hoi hou no ka hokele, a oiai e maalo ae ana ke kaa lawe leka o Holokahiki, ua kauohaia aku la iaia e hoihoi aku i kela kaikamahine. Oiai nae ua lawe aku ka mea lawe leka i na leka a haalele iho la i kahi kaikamahine uuku oia hookahi wale no iluna o ke kaa, ua hoomaka aku la ka lio e holo, a o ka haule aku la no ia o kahi kaikamahine. Ua loaa mai la nae ke kamaiki ia Mrs. Morton Riggs iaia e holo mai ana maluna o kona kaa otomobile a nana i hoihoi loa aku no ka Hokele Moana, me ka lawelawe ana i na mea e pono ai ke keiki, a hiki i ka hoea ana aku o kona makuahine.

E aho kou haule ana mai ka pukaaniani mai mamua o kou hanle ana mai kaupoku mai.—ltaJian.