Ka Nupepa Kuokoa, Volume XLVI, Number 2, 8 January 1909 — HE MAU WAHI KANAENAE ALOHA. [ARTICLE]

HE MAU WAHI KANAENAE ALOHA.

I ka Lunahooponopono o ke Kuokoa, Aloha:—E oluōlu oe e liookomo iho ma kekahi wahi kaawale o kau pepa waiwai nui i kahi moolelo pokolj o ka'u wahine i aloha nuiia Mrs. īpuhao Kamana Sniffen. Ma ke kakahiaka Sabati, Dekemaba 20 i haalele mai ai ka 'u wahine alolia Mrs. Ipuhao Kamana Sniffen i keia ola ana, a hele kohana aku la oia ma ke ala hoi ole mai a o kona uhane hoi i ka mea nana oia i hana, a waiho mai la hoi ia'u i ke kane, ame ka ohana e paiauma aku nōna ma keia aoao o keia ola ana, pau kona luhi, pau ka inea. Ua lianauia oia ma Puna, Hawaii ma ka la 17 o Sepatemaba, 1842, a oia no hoi ka muli loa o na keiki he umi-kumamalima a ko lakou mau makua, a o lakou apau, koe ka mua loa ame elua mau kaikamahine e ae elua ka i make aku i ko lakou wa opiopio loa. Nolaila na piha iaia na makahiki he 66 o keia ola mauleule ana. He elua makahiki niahope iho o ka make ana o ko lakou mau makua, ua nee mai lakou no Lahaina a o ka lakou hana malaila o ka lawai'a a hoo* maloo no ka lawe ana mai no Honolulu no ke kuai ana aku. Ma kekahi o na holo ana mai uo Honolulu nei, ua hoohihi iho la o Ipuhao ia Honolulu nei, nolaila, ua hooholo iho la kona manao e noho me kana aikane o ia mau la a hala he mau makahiki, .la kana aikane a noho iho la. no oia malalo o ka malama ana a ke kane a kana aikane. I ka 1857 mare iho la oia ia i ka 15 o kona mau makahiki, a .ua hoike mai hoi kona makaukau hana a he kokua nui no lioi oia no kana kanē iloko o ia mau la a hanau no ka laua keiki a make opiopio no. No 18 makahiki o ko laua noho pu ana ,a ma ka 1875 make aku la kana kane, waiho iho iaia e auamo hookahi i ka hana a laua i hooikaika ai, oia hoi, he mau mokukuna ekolu e holoholo pili aina ana, a no elima makahikl o kana lawelawe wahine ana, a e holo pu ana no hoi maluna o keia mau moku no ka nana pono ana i ka lawelawe ana a kona poe hana. I ka makahiki 1880, mare hou īho la oia ia Kapena Kalua, he hoahanau no hoi no kana kane mua a ua hoopuipui hou ia ae ka nui o na moku ma o ke kuna Kawailani la a ma ia hope mai i komo mai ai na mokuahi' o ka hui holo pili aina a hoi mai la ka holo ana o na moku a ma o Oahu nei wale no, a hiki i ko laua loa ana i keia hana a ma ka 1886 make aku la kana kane, a ma ke kolu o kona mare ana he mau makahiki mahope mai, ua loaa na kuia a oki aku la, a ma ka la 29 o Dekemaba, 1907, mare iho la maua, a na kokoke e piha ka makahiki o ko maua noho pu ani; haalele mai la oia ia'u ame ,ka ohana no ke kali ana i ka la hookolokolo e hiki mm ana. He wahine o Ipuhao i mahalo naiia p ko ke kulanakauhale nei, he heahea a he puuwai hamama, a he wahine hoopono, e poina oleia ai e kona mau hoaloha ame na makamaka apau i kipa mai ma kona hoine. Me ka haahaa, HENRY KAMANA SNIFFEN. Honolulu, Dekemaba 30, 1908. ' Mai hoolilo i ka hana maikai i hana paioia.—Senecea. 3 3 Ua oi aku ka pono e palua ke anaia ana mamua o ka hana hewa ana i hookahi manawa.—Dutch.~