Ka Nupepa Kuokoa, Volume XLVI, Number 4, 22 January 1909 — KA OPIO KUEWA O MILANA A I OLE KA NAITA OALANADO VENADOMA Ka Wiwo Ole. [ARTICLE]

KA OPIO KUEWA O MILANA A I OLE KA NAITA OALANADO VENADOMA Ka Wiwo Ole.

*'A, auhea oe, e kuu haku maikāi," wahi a Venadoma i pane aku ai, mahope o kona hooka'ulua iki ana no kekahi manawa," he oiaio ua nele maoli io no au —ua nele loa au i keia manawa aohe wahi kene- j ka 'nookahi iloko o kja'u wahi ekedala a'u e olelo iho ai la he wahi keneka ka'u e ola aku.ai o keia mau la aku." "Pehea iho la i loaa ai ia oe keia hopena ehaeha? Aole ka oe no keia wahi e loaa mai ai no hoi na kokua ana ia oe mai na makamaka mai?" "Ae, e kuu haku noonei no au. O Milana ko'u one hanau, a malaiia no au i hanaiia āi a nui a kanakamakua e like no hoi me kau e ike mai la, a i keia la nae ua kuewa hele mai au me ka nele i na pono apau." "A pehea, aole ka oe e hoi hou aku ana i kou kulanakauhale 1 keia po?" Luliluli aku la o Venadoma i kona poo i pane no ka ninau a ka opio. "Maikai, e ka opio lokomaikai," wahi a ka naita i kapaia o Ebanahada, a he kanaka hoi ia nona ke kulana me he mea la i ka Vena<}oma nana aku oia ke alakai o na naita, "ua hiki loa ia makou ke kokua ia oe, ina he makemake kou i ke kokua, no ka mea, he hana pono na makou ka hookaa ana aku i ko makou aie ia oe. Ke makemake nei makou e hoomaha; a, oiai' e hamu weuweu ana ko makou mau holoholona no kekahi manawa, he pono ia makou ke noho iho ilalo a e hoolohe aku i kou moolelo mai ka mua a i ka hope." "Maikai maoli ka hoi kela," wahi a ka opio Teodoro i kamailio koke mai ai. Makemake aku la au i kela olelo au. E hoomaha io kakou. Lele nui mai la na naita apau mai ko lakou mau lio mai a hookuu aku la i na lio e hamu weuweu no ka manawa. Aole hiki ia Venadomā ke hoole aku i ka lakou la noi. Owai la leela poe ana i maopopo mua ole ai, aka mamuli o ka hoolaunaia ana mai iaia i maopopo ai ko lakou mau inoa; aka hookahi mea maopopo loa iaia, he poe keonimana hoopono lakou, pela kana nana aku; a o kekahi ua manaoio pu no oia he poe waiwai lakou ame ka mana. -Huli aku la oia i ke keiki opio a kamailio aku la, me ka naau kaumaha a hoike aku la i kona moolelo piha. "Aole au e kamailio hookakaiahili, loa aku ana ma ka wehewelie ana i ko'u moolelo, e kuu hoaloha opio, no ka mea, aohe paha e lilo ana ia i mea no oukou e pomaikai ai. "Mamua o ko'u wehewehe pokole ana aku i ko'u moolelo, e pono •oukou e ike mua i ko'u inoa. Ua kapaia au e ko'u mau makua o Oalanado Venadoma. O ko'u makuakane o Roderika Venadoma, !<a mea i kaulana ma Milana apuni he kanaka akamai loa ma ka hana ana i na kapakila. S "Nana ponoi no i hana i keia pahikaua a'u, a mai ka manawa mai 1 hanaia ai keia pahikaua a hiki mai i keia la, aole i manumanu iki leona ka'e. a aole no hoi i haki iki kekahi o kona maka; a o keia kapaleila a'u e komo nei maloko o kuu kuka nana no ia i hana, aole ihe a pahikaua paha e hiki ke komo iloko o ko'u kino." "Aha,- ke ike aku la"au i ke kumu o kou pakele i na makaihe ame na hauna pahikaua a kela poe powa. He haoliao no paha ko'u i kou kumu o ka pakele, oiai i kekahi manawa ua ike pono aku no au i kou pa ana i ka pahikaua eia nae' aole oe i hina ilalo, a ia manawa i ulu mai ai ka manao iloko o'u he kino kupua maoli paha kou," \vahi a ka opio Teodoro. "Ae, o ko'u kumu pakele ia, e kuu haku opio." Ua puana ae la ka kakou koa opio i kela huaolelo haku, i kona manawa i ike aku ai i ka hoailona e kau ana mamua o kona unlauma oiai o ka manawa ia ana i wehe ae ai i kona kuka a hamama a ahuwale ke pihi mamua ona. x I ko Teodoro lohe ana aku i kela huaolelo, minoaka iho la oia a "hoomau loa aku la o VenaMoma i ke kamailio ana. "Aohe no i loihi loa na makahiki i hala ae nei ka make ana o ko'u makuiakane, a waiho iho la ia'u aole i haku wale no maluna o kona mau waiwai, aka i haku pu maluna o kana oihana hanalima; a no kekahi mau mahina loihi ko'u hana ana me ka manaolana ame ka hauoli, a e olino mau mai ana na pomaikai mamua o ko'u alahele i n a manawa apau. , x "I kekahi la, ua loaa mai la ia'u kekahi kauoha mai ke Duke Manefereda mai, ke Duke hoi o Milana, e olelo ana he makemake oia e hiki kino aku au i'mua ona ma kona halealii. Ua hooko aku au ia kauoha, a i ko'u hiki ana aku imua ona o kana i ōlelo mai ai e hana au i kapakila nona e hiki ole ai i ka oi o ka pahikaua ame ka maka o }ca ihe ke komo ik>ko, a i ko'u maopopo ana i na mea apau ana i maleemake ai, hoi aku la au a hoomaka iho la e- hana. "I kekahi ahiahi, oiai au e kali ana iloko o kekahi rumi no ko'u •makemake e ike aku i ke Duke, komo mai ana kekahi wahine u'i opiopio iloko o ia rumi hookahi a nonoho pu iho la maua, oiai, oia pu kekahi i maieemake e ike aku i ke Duke. "I kela manawa a maua e noho ana, e paa ana iloko o ko'u lima "ke kapakila a'u i hana ai no ke Duke, a ia ahiahi i lawe mai au e hooleuku a e nana i ka pili pono o kela kapa iaia. t "Nee mai la oia a piK ma kuu aoao a ninau mai la i ka hana a fcela mea a'u e-paa ana a hoakaka aku la au he kapakila ia no ke alii a i lawe mai au e hoikeike iaia no ke ku i kona makemake ame ka ole. Ua hoakaka pokole aku au ike ,ano, ka hanaia ana ame ka waiwai o ia mea, a ua lilo loa ia kapakila i mea hookahaha iaia me kona makemake nui e hanaia kekahi kapakila nona e like me ia„ no ka mea, ma kana hoike mai e hiki mai ana ka he manāwa e hoohana aku ai ia ia mea. "Mahope koke iho lohe aku la maua i ke kamumu mai o na kamaa o ke alii a ku koke ae la oia a hoi aku la; a i ko'u wa i hoike aku ai i kekahi o na kauwa no kela wahine ua hoike mai la lakou ia u i kona inoa, ke Kamaliiwahine Rosabela. "He kaikamahine kela na loane, ke Kauna o Bagamo, a ua make nae oia he mau makahiki mamua aku, me ka haalele ana iho i kana kaikamahie iloko o ka malama ana a ke Duke Manefereda o Milana. "Mahope iho o ka maopopo ana ia'u o kona-inoa, manao iho la au aole paha e loaa i manawa kupono no'u e ikemaka hou aku ai iaia; aka, ua kuliihewa nae au ma ia manao ana pela. He mau la mahope mai, oiai no au e hana ana iloko o ko'u halehana, hiki mai la ua wahine opio la e ike ia'u, me kekahi wahine kauwa ana, a i ko laua komo ana mai iloko o ka halehana, hoonoho aku la oia f ke kauwa wahine ana iloko o kekahi rhmi, a komo hookahi mai la oia iloko o ka rumi kahi a'u e hana ana. "laia i komo mai ai wehe koke ae la oia i kona uhimaka a i ko'u wa i ike aku ai i kona u'i, auwe, me ko'u hunahuna ole iho, ua ume kokeia ko'u iini ?.pau nona. Ua like kona u'i me ka hoku ahiahi, a o ka nohea o kona helehelena ua like loa me ka moolelo o ka wahine u'i o Moselema a'u i lohe wale ai. "He mea makehewa paha no'u ka haanui wale ana aku no ia oukou i na mea apau i liala. He hora hookahi kona o ka noho pu

ana me a'u iloko o kela-halehana o'u, ma ka nana ana ma na mea like ole apau iloko o ko'u halehana, oia na pahikaua, na papale kila, | na palekaua ame na mea kaua like ole e ae. 4, 1 kekahi la ae, hiki hou mai la no oia; a i kela manawa ua hoike mai la oia i kona manao huna a ua lilo maoli kela manao ona i mea hookahaha loa- i ko'u noonoo ana me he mea la he olapa uwila ka mea i lalapa mai i ko'u mau lihilihi maka.. "Wahi ana, e huli ana ka oia i hoaloha nona; *a ua nana oia iwaena 0 na aialo āpau o ke aloalii aohe mea hookahi iwaena o lakou ana e hiki ai ke haawi aku i kona hilinai. I kela manawa mua loa a maua i halawai ai maloko o ka halealii, ua noonoo nui loa oia no'u, a ua hoo-un-a i kekahi o na kauwa ana e hele e ninaninau no ko'u ano ame ko'u wahi i noho ai. . "Ma kana olelo mai, ma kela hoounaia ana o ke kauwa wahine e hele e ninaninau no ko'u ano i maopopo ai iaia ko'u ano hoopono a oiaio, a mai ia manawa mai, ua hooholo oia i kona manaopaa e haawi' 1 kona hilinai piha maluna o'u. -Aole o kona hilinai wale no, aka i ka mea i oi loa aku—oia hoi ua haawi maoli mai la oia iaia iho iloko 0 ka'u hoopakele ana. "Ua hanaia he aelike e mare oia me ke Keikialii Ludoviko, a ua paa ka hoopalau, oia ke keikikane a ke Duke Maneferedja, a ua hoike akea ae N ke Duke e mare kokeia ana laua iloko oia mau la mai. "Aohe makemake o kela kaikamahine alii i ke Keikialii'i kane nana —ua hoowahawaha loa oia iaia no kona pupuka ame kana mau olelo lapuwale i kupono ole i kona ano alii aka nae, ua lilo kona hoowahawaha ame kana hoole ana i mea waiwai ole, no ka mea, o Manefereda kona haku ame kona kahuhanai, a o kona makemake, he kanawai paakiki loa ia, e hiki ole ai iaia ke hoopale aku. "Ua oi aku kona make ana mamua o kona mohai ana iaia iho 1 ka lima o kekahi kanaka ino ana i hoihoi ole ai; a i mea e loaa ae ai iaia kahi o ka maha, pela oia i huli mai ai ia'u. Ua imi mai oia mamuli o kona lohe ana he kanaka hoopono au a e haawi aku *ana i fia kokua ana apau e hiki ana ia'u no ka hoopakele ana ae iaia mai kela kanaka mai. _ ' "I ka wa a'u i ike su e hiki ana ia'u ke rula iho i ko'u mau manao uluku, ua haule iho la au maluna o ko'u mau kuli, a noi koke aku la iaia e kauoha mai ma na mea apau ana i makemake ai a e hooko aku au no kona palekana. Ua huki ae la oia ia'u iluna a hoike mai la i kona hilinai ia'u. Ua noi koke mai la oia e haawi akii au i pahi uuku oi lua, i hiki ai iaia ke lawe mau ia mea iloko o kona poli, a i ka wa no i loaa aku ai o ka pahi o kona oili koke aku la no ia a hoi aku la. Elua la mahope mai, hiki hou mai la ia; a, e like no me kana hana mau mamua aku, o ka waiho no i kana kauwa wahine iloko aku o kekahi umi, pela no i kela la. "A'ma keia la, e ria keonimana, he mea pono no ia'u e hoike : aku ia mea i keia manawa mamua o ka waiho ana a kekahi manawa | e a ku—aole owau wale no ka i komohia iloko o ke aloha no kela kaikamahine, aka oia pu no kekahi i lupea e ke aloha, a mamae i ka eha lima ole ake aloha no'u. Ma kona helehelena au i hoomaopopo aku ai ua eha ia, oiai i kela manawa hope loa a maua i halawai ai, ua hiki ole iaia ke kaohi i kona waimaka, a iaia e kamailio mai ai, ua hiki ole iaia ke huna iho i ka haalulu o kona leo, a ma ia hiohiona la i maopopo ai ia'u, ua hoao oia e hoonalonalo i ke aloha e pee maloko, aka, hai e ka waimaka hanini mawaho, a i ikeia aku i ka uwe ana iho. " 'Eha aku la i ka eha lima ole a ke aloha, a kakou e ike pu ole nei no—a.' "Mamuli o kona hookikinaia ana e mare me ke Keikialii Ludoviko, ua huli mau oia i ke kokua mua loa e ana mamua o kona mau maka, a pela oia, wahi ana i hele mai ai imua o'u, ina paha he mea hiki ana kekahi ia'u ke kokua aku iaia iloko o kona manawa 0 ke kupilikii. "A nolaila, o kela halawai a!īa o maua, ma ke ano ulia no ia, a o ka hopena awahiā nae o ia hui ana, oia no ko maua komohia like ana iloko o ke aloha kupouli e hiki ole ai ke uumi iho, a o ke kumu hoi o ko'u kuewa hele mai ko'u home a mai ko'u one hanau aloha mai. ' "I ka wa a Rosabela i hoike mai ai ua aloha oia ia'u, ua ulu mai la na manao paio elua iloko o'u; ka mua, oia no ke aloha iaia, a ia manawa hookahi no ulu pu mai la ka maka'u. Pehea ana la e hiki ai ia maua ke hoohuiia ma ka mare? Wahi ana i koi okoa mai ai no ia'u, e mahuka maua i kekahi aina mamao kahi e hiki ole ai i ko Manefereda mana ke kikoo ae ia maua. - "Ua keakea koke aku la au i kona manao e mahuka, he hookomo loa ana aku ia ia'u iloko o ka pilikia i oi loa aku, aohe nae o ia la hoolohe mai. Ua olelo koke aku au iaia ua oi loa kana mohai ana iaia iho no'u mamua oka mea kupono, a o kana i pane mai ai, "Able, e kuu Venadoma aloha, o oe ke mohai mai nei ia oe iho no'u. Aohe mea poho ma ko'u aoao, aka he pomaikai. nui ke loaa mai. ia'u ma ia hana ana; ia oe e haalele iho ai i kou home no kou pono, aia na pomaikai apau e kakali mai ana maua o kou alahele." "Ma kela hoakaka ana, ike koke iho la au ke hoohaanaa loa iho la ia i kona kulana alii a i ke kulana iliwai like me ko'u, a ia manawa koke no hoolala iho la maua i ke alahele e hiki ai ia maua ke mahuka, aohe nae i holopono ia manao ana o maua e hana pela, no ka mea, p kela kauwa wahine ana i lawe pu mai ai, oiai oia e noho mai ana iloko aku o kekahi rumi, ke hoolohe/mai la oia i kela mau kamailio'a maua apau, a nana i hoi a ha'i i na mea apau a maua i hoolala ai no ka mahuka, i ke alii. "I ka wa i lohe ai o ke alii, ua nui kona huhu ia'u a o ka oi loa aku nae ia Rosabela. Ua hooiaio loa oia i ka moolelo a pau i ha'iia aku iaia mai ke kauwa wahine aku, he oiaio, a mai kela manawa mai holomaka iho la kona imi ana e hana mai i na hana ino e hoopoino mai ai ia'u. "O kana hana mua loa, oia no ka hoopaaia ana o ke Kamaliiwahine iloko o kekahi rumi haiki loa e hiki ole ai iaia ke hele iwaho, me kona kiai paa loaia i ka po ame ke ao, me ka paa mau o kona puka 1 ke kiia, a maluna hoi o'u, ua hana mai oia i na hanaino apau e hiki ana iaia ke hana mai. "Ua haowale oia. i ko'u mau waiwai apau ma ke ano lima nui a haawi aku la no ke aupuni, a o kana hana hope loa,' oia no kona kipaku ana ia'u mai ke kūlanakauhale aloha mai o Milana, a o kana kanawai paa i kau ai, ina e ike houia ana au maloko o na pukapa, o Milana, he 'make wale no ko'u hoopa'i. "Mai ia la mai, hoomaka maii la ko'u hele kuewa ana me he aeahaukae la, a o ko'u wahi waiwai hookahi wale no i aeia mai e lawe pu me a'u, oia ka'u pahikaua nei ma ko'u puhaka, a he wahi dala hookahi iloko o ko'u pakeke. "E hoomanao nae oukou e na keonimana, he mahina okoa kela a oi i hala ae nei, a n(sfaila e ike mai oukou, aole paha e ola ke kanaka maluna o kahi dala hookahi a pau ka mahina hookahi. He hana hiki no* ia'u ke haalele koke ia Lomabada nei mahope iho o ko'u kipakuia ana mai, aka nae, no ke aloha mai no hoi i ka aina, ke kulanakauhale, na makamaka a o ka oi loa aku hoi no Rosabela, ke kumu 0 ko'u hoomamao koke ole, a me he mea la e hawanawana mau mai ana kekahi leo hanehane ia'u, 'hoomanawanui, e ike hou a ku ana no oe i ko Rosabela.' "Mamuli o ko'u halawai pinepine ana me kekahi poe mai ke ku{\anakauhale mai i loaa mai ai ia'u ka lohe ua ma'i ia ka kuu Rosabela, a mamuli o kgla nawaliwali ona i hoopaneeiiee mauia ai *ko laua hoohuiia ma ka mare me ke Keikialii Ludoviko. UaJ lilo loa mai la kela lono i mea hoopilikia nui loa anai i .ko'u noonoo, a ono ole mai la ka ai, me ke kukiai mau i ke ao ame ka po, me ko'u noonooi nui ana i ka'u hana pono e hana aku ai i mea nona e pakele mai- ai mai kela hoopaahaoia ona. "O keia iho la ko'u moolelo la, e na keonimana maikai, a ina ua manao oukou ua naaupo au, ke noi aku nei au e kala mai no oukou 1 ko oukou wahi hoaloha auwana nei. Hookahi nae mea maopopo loa e hiki ole ai ia oukou ke hoopaapaa mai, oia keia, eia au iloko o ka huna ame ka nele a ua loaa ia'u keia haawina mamuli o ka mea hookahi wale no o ke aloha."

I ka pau ana ae o kana hoakaka pokole ana nonā iho, hook mea iwaena ,o kela poe naita i hiki ole iaia ke uumi iho i kona m< waimaka, oia no ke Kauna opio Tepdoro Hatabaga; he opiopio oia, a ua lilo loa kela moolelo hooipoipo mawaena o na mea poino elua, i mea nui loa iaia, a mahope o kona noonoo akahele ana no kekahi mau minuke, pane mai la: "O hele e kii i na lio o makou; a i kou manawa e hoi mai ai ma lia e. loaa ana kekahi kuka ana ia makou a na'u ia e hoike aku ia oe." Eu ae la o Venadoma a hele a"ku la e hooko i kaiia mea i kauoha ia aku ai a iaia i hala aku ai, kukakukā nui iho la ua poe naita la i ka lakou hana pono e hoike aku ai-iaia ke hoi mai. MOKUNA 11. N I ko Venadoma manawa i hoi mai ai me na lio, ua makaukau o Teodoro me ka nuhou maikai e hoike aku ai iaia. "E Venadoma, ua kukakuka iho nei au me ko'u mau hoahele," 'wahi a Ke Kauna opio, "a ua loaa ka makou olelo hooholo he m§a pono ia makou ke hana i kekahi mea nou. Aka e hpomaopopo mai oe i keia, aole makou i hana ia hana no ka manawalea wale aku, aka i hana makou ia hana no ka uku ana aku ia oe i ka uku kupono loa e pono e loaa aku no kau hana maikai. Nolaila, ma ia kumu i manao ai makou e hana aku i kekahi mea no kou pono. "Ua ike makou ma kau hoakaka ana mai nei i kou moolelo, he ku maoli i ka ehaeha, a mamuli o ia kumu, ua hoalaia mai la iloko o makou na manao ukiuki no kela Duke £ nolaila ua hooholo iho nei makou e haawi aku i na kokua ana ia oe ma na ano apau e hiki ana ia makou. Pehea la, aole anei he hoikeike hookuku mokomoko kekahi t malamaia ana maloko o ke kulanakauhale o Milana i kekahi manawa ma keia mua koke iho?" "Ae, e malama ia ana," wahi aka kakou koa. "Iloko o elua pule mai keia la aku e malamaia ai, a i ole mamua iki mai paha." "A pehea, ua komo mua no oe i na aahu kapakila o na naita?" "O, he lehulehu loa na manawa a'u i kahiko ai ia'u iho me ia ano aahu," wahi a Venadoma, me ka minoaka ana iho. "Elua makahiki i hala ae nei, owau ke kumu a'o oo ine a kekahi poe, a pela pu no hoi ke ana i ke kaua me ke koi kaua ame ka pahikaua; a o na kanaka akamai loa o Milana i keia la ma ke kaka pahi ame ka o o ihe he £oe haumana lakou apau na'u." "E, opiopio mkoli oe ke nana aku e lilo ai i kumu a'o no kela mau ike kiekie," wahi a Patila. "Ae, he kumu a'o au no ia mau mea," wahi a ka opio kuewa, "aka, o ko'u makuakane kē kumu akamai loa ma Lomabada apuni, aohe mea hiki ke hoopapa aku iaia, a oiai he ikaika loa ko'u maa I lala ame ko'u kino holookoa no ko'u mau makahiki, a mamuli no hoi 0 ko'u hoomaamaa' mau i loaa koke ai ia'u ke akamai iloko o ko'u mau la opiopio loa." "Maikai maoli ka hoi kela!" wahi a ke kauna opio, me ka hauoli, e like no hoi me ke ano o kamalii. "Ma ia ano e lilo ana ia i kumu maikai e kokua aku ai ia oe me ka maopopo loa. Ua ikemaka iho nei makou i kou makaukau a he mea kuopono loa ia na makou e hooia aku ai i kou kupono e komo i naita oiaio. Manao no anei oe e lilo ana ka makana a ke Duke ia oe ke hiki aku i ka la hookuku?" "Aole hiki ia'u ke paha e aku imua o oukou i keia manawa e lilo ana, aka hookahi. a'u mea e hoike e aku, oia hoi, e hoao au e hana . 1 lilo mai ia makana ke hiki," wahi a Venadoma, mfe ke ano hooio ole. "Aka," wahi ana i pane koke aku ai me ka leo haalulu, "eia hoi paha ka pilikia, ua keakea loa ia mai au aole e hiki ke komo hou aku iloko o ke kulanakauhale'o Milana; a eia hou, aole no au he naita e hiki ai ke komo aku ilaila, a ma ia kumu la e ike mai oukou, e hiki ole ana ia'u ke komo ,ma kela la hookuku mokomoko." "Mja ia wahi la, e ke koa opio, aohe kakou i ike aku i ka mea e hoea mai ana, na ia manawa no ia e nana aku," wahi a Ludewiga Ebahada. "Pela no," wahi a Venadoma';" ina no ma kekahi ulia laki, e loaa io mai ana na kepa gula ia'u e kaupaleia mai āna no au aole e komo aku i Milana." f "No keaha iho la hoi kou mea e komo ole ai ?" - * I "Auwe, no ke kanawai paa hoi a ke Duke aole au e hiki ke hoi hou aku, e like no hoi me ka'u i hoike mua aku nei ia oukou." "Ua poina paha oe," wahi aka naita La Patila. "Maloko ona kanawai paa o ka oihana naita o, Karisenedoma, aole loa he Kiaaina e hiki ke hoole mai i ke komo ana aku o kekahi naita oiaio a i hoe hiki ia malalo o ka oihana naita. O kela kepa gula e hoopaaia ana ma kou mau wawae, ua lawa loa ia palapala ae nou e komo hou aku ai iloko o ke kulanakauhale o Milana, ina no he iwakalua ou manawa i kipakuia mai ai mai kela kulanakauhale mai; a he pono iaia ke hoololl i kou palekaua no kekahi kumu lawa maikai, ka mea e kipaku mai ana ia oe mai kona aupuni mai. Ke ike nei au ke hoopau manawa wale nei no au ma ke kamailio. Ke hookokoke loa mai nei ka poeleele, a he mea pono ia makou ke hoomau aku i ko makou alahele." '• "Mamua o ko makou nee ana aku imua no ke koena o ka makou huakai hele, ke nei au e hana mua kaua i aelike me oe," wahi ake kauna opio. "Ina oe e hiki hou ana ke komo aku i Milana a aeia mai oe e noho hou malaila e oluolu anei oe, e hana mai i kapakila no'u e like loa me kela kuka kapakila au e komo la i keia manawa ?«" "Ua hiki loa ia'u ke hana," wahi a Venadoma, , "Ina pela, he hana kalepa kela, a he mea pono ia'u ke uku mua aku i kekahi hapa o ke kumukuai. Eia mai ke ekedala, a.aia iloko olaila he hookahi haneri sekuina (dala gula o Italia. "E, kuu haku opio," wahi a ka kakou koa," e paa aku no oe i keia dala, malia aole e aeia mai ana au e komo hou aku i Milana, -poho wale no hoi keia mau dala au a pilikia hewa wale no hoi au i ko'u aie ia oe." "Mai nana oe i kela. Waiho mai oe .na'u ia apana hana e hana aku. E lawe oe i kena dala, aika wa e makaukau ai oke kapakila alaila kii aku au. Eia hou keia mea a'u e ninau aku ai ia oe. Ua hele mua no nae paha oe i Modena?" "Ae, ilaila no au i kekahi manawa i hala ae nei." "Ua lohe iki no oe no ke Kauna Alefanaso ?" "Ae, ua lohe au." "Ua pono. Eia ka lekaj|'u i kakau iho nei nana, aohe i wepaia, no ka mea o ka manao maloko, manao au aole e hiki ana ia oe ke heluhelu, ua kakauia me ka huapalapala i kamaaina ole ia oe. O kela Kauna a'u i ninau mua he hoaloha ia no'u—he makamaka pili kokoke loa ia i ko'u .makuakane —he mea pono e loaa aku keia leka iaia iloko o eha la. E oluolu anei oe e lawe pu aku. me oe a haaj wi aku iafa ?" . "He wahi mamao loa kela a e hiki ole ana paha ia'u ke hele aku iloko o eha la" wahi a Venadoma, "he kanaha legue a oi ka mamao o kela wahi mai ia nei aku. Hookahi.wale no paha mea o'u e hiki koke aku āi ilaila o ko'u kii aku i kekahi lio o ka poe naita make a maluna au olaila e kau aku ai." "A ina e loaa mai ana kela lio ia oe alaila e hele io ana oe?" "Pela ko'u manao." "A ina pela e paa pu oe i keia leka a haawi aku ia Alefanaso; lawe pololei oe a haawi ponoi aku.iloko o kona lima, mai haawi oe i kekahi mea okoa, a o ka pane ana e haawi mai ai ia oe, lawe pu ae oe i Milana. \ "Ina e hooko ]|Dno ana oe i ka lawe ana i keia kauoha, manao au aole oe e hoahel-a iki ana, i ka hora au e halawai pu hou I Teodoro o Hatabajfa." 1 [ AoleiPau.