Ka Nupepa Kuokoa, Volume XLVI, Number 4, 22 January 1909 — EENA KA LOIO KUHINA BONEPATE Noiia Mai o Lunakanawai Kepoikai e Hoouna Aku i Kona Palapala Waiho Oihana. [ARTICLE]

EENA KA LOIO KUHINA BONEPATE

Noiia Mai o Lunakanawai Kepoikai e Hoouna Aku i Kona Palapala Waiho Oihana.

Ma ka Poaha o ka pule i hala aku la i loaa mai ai kekahi leka mai ke Kakauol<?-lo o ka Aha Kaapuni o Maui Edmund Hart, i kekahi o kona mau hoaloha maanei nei, e hoike mai ana oia i ke noiia ana mai nei o Lunakanawai Kepoikai mai Wakinekona mai nei e hoouna aku i kana palapala haalele oihana. Penei iho ua leka la i kakauia mai: "WAILUKU, Maui, lanuari 13, 1909 Aloha oe:—Ke kauniaha loa nei au i ka hoike ana aku ia oe, ua loaa mai nei he lono kelekalapa ia Lunakanayrai Kepoikai i keia kakahiaka mai ka Ijoīo Kuhina Bonepate «mai e noi mai ana iaia e hoouna aku i kana palapala waiho oihana.' J No kekahi mau manawa lehulehu i houpuupu ae ai na nupepa haole o keia kulanakauhale no ka holo pu ana aku Kiaaina Frear no Wakinekona me ka palapala waiho oihana, aka ua hoa"kaka ae nae o W. O. Kamika, aole ia ka oiaio, asa ua hoikeia aku ke Kiaaina, ina ua manoia e hookohu i kaaina, ina ua manaoia e hookohu i kaia manawa e waiho aku ai oia i kona kulana. Ua loaa mai no hoi he mau leka mai Wakinekona mai, o ke keehina i ala ae ai kela mau hana a ka Loio 1 Kuhina Bonepate, mamuli, no ia o na mea e pili ana i na hooilina o kekahi Kepani nona kekahi waiwai e paaia ana malalo o ka malu o ka aha. Ua hoike pu ae no hoi o Kamika, ua loaa mai iaia he leka mai- ia Loio Bonepate mai, ina paha ua hoomakau-) kau« mua o Kepoikai i*kona palapala. waiho o'hana, o .keia nae kana* i oleio? ae ai i ke kuhihewa loa mea* e | pili ana i keia palapala waiho omana. j Ua hookahua oia i keia mea maluna 0 ka leka a Kepoikai o ka hoouna ana ia Kiaaina Frear, o ia hoi e ha'i aku ana iaia ina paha e manaoia ana e hookohuia i pani hakahaka ma kona makalua, alaila ia manawa oia e kakau ai 1 kana palapala waiho oihana, me ka hoakaka ana i na mea apau e pau ai na pohlhihi ame na ao onene o ke kanalua no kona pili i ka hewa ma kana niau lawelawe ana i kana hana. Mamuli iho la o keia kauoha, ina aole e hooko kokeia aku ana kela kauoha mai Wakinekona mai, alaila e lawe mai ana ke keena Loio Kuhina i ke keehina e hooneeia ae ai o Kepoi-; kai mai kona wahi ae e noho nei. I ka manawa i oili ae ai 'keia lono no ko Kepoikai pau mai kela wahi mai, o ka wa ia i uilani ae ai ka manao o kekahi poe no kela kulana. He elua nae mau inoa .i loheloheia ae. o ia no o E» C. Long kekahi o, na Lunamakaainana i kohoia no keia! kau ahaolelo pe, ame Lunakanawai Kingsburry. Na ka Elele Kuhio i waiho ae i ko Long inoa imua o ke Kiaaina, a ma ka oleloia. ua loaa no he wahi manaolana nona. aka koe aku nae ka maopopo ana no ka mea e hanaia mai ana. Ma kekahi ano hoi, ein na hoaloha o Kingsburry ke manao loa nei oia ae ana ka mea a ke keena o Wakinekona e apono mai ai. aka me he mea la mamua o ka haalele ana aku o Kiaaina FTear ia Wakinekona, ua waiho aku oia i ka inoa o ke kanaka e noho ae ana ma ia wahi.

O ka Imina nul o na dala i hoouna ia aku i Italia no ke ana i ka poe popilikia i ke ola'i, e like me ka hoike a ke Kanikela Schaefer, he $8,000 mai Hawaii aku nei.