Ka Nupepa Kuokoa, Volume XLVI, Number 4, 22 January 1909 — HOOPIIIA KE KUMUKUAI O KA PIPI [ARTICLE]

HOOPIIIA KE KUMUKUAI O KA PIPI

Mamuli o ka liapa mai o ka pipi ma Hawaii nei, a pela no hoi ka nui o ka lilo ma o ke kauoha ana aku i ka pipi i Amerika, nolaila ua ulu ae nei ka manao iloko o ka poe kuai pipi o keia kulanakauhale e hoopii ae i na keneka o ka paona pipi, e like me na wahi i makemakeia. Ua kaa i ka Hui Kuai Pipi Metropolitan ka hoopii mua ana i na keneka o ka paona pipi mamuli o ko lakou kau ana ae i ke kumūkuai o kela ame Keia wahi o na pipi e kuaiia aku ana, a pela hoi na hui kuai pipi e ae i ukali mai ai mahope o ko iakou alahele hookahi. Aole wale no i ka pipi ka pii o ke kumukuai, aka i ka hipa nō kekahi ame na pipi keiki, a ma ka olelo pokole ana ae, ua pau loa no na mea pili i ka i'o holoholona i ka hoopiiia.