Ka Nupepa Kuokoa, Volume XLVI, Number 4, 22 January 1909 — HE MOKUAHI HOU NO KA LAINA MATSON. [ARTICLE]

HE MOKUAHI HOU NO KA LAINA MATSON.

KAPALAKIKO, Jan. 9.—Ma ka la i neninei i haawiia aku ai ka aelike no ka hana ana i mokuahi hou ejsa hui holomoku Matson, a he mokuahi ia e holo aku ana mawaena o keia awa ame Honolulu. O ka nui o na hoolilo i manaoia no ka hana ana i keia mokuahi he $1,000,000, a ma Newport News, Virginia oia e kapiliia aku ai, no ka mea oia ka hui nana i koho haahaa loa. He eono poe koho, a iwaena o lakou 'o ka hui Union Iron W.orks kekahi. O ka loa o keia mokuahi hou he 430 kapuai, a he 51 kapuai ka lauia. E lawe oia ma kahi o 8000 tona ukana a he'mau rumi kupono hoi lawa ai "he 150 ohua. O kona nanalna mawaho e like loa ana ia me ka mokuahi Lurline, a he īnoku aila ea ana no oia e like me ka Lurline, a o kona mau lua aila he nui kupono i.a e lawa ai ka aila a hiki i Kina. O kona holo i manaoia he umi-kumamalima mile i ka hora, a ua manaoia me hookahi ona huila e hiki ana iaia ke holo mawaena oonei a me Honolulu iloko""o elima la ame hapa. A e like no me na mokuahi e ae oia laina mokuahi hookahi, e hoolako pu ia ana ia me, na uwea olelo uweaole. Noi ka pono o na ohua, e haawiia ana na hooponopono maikai apau i mea. e'loaa ai ia lakou na ea hui maikai, na wahi hoopumehana ame ka nui kupono o ka ea ina na ano hou o keia au. Ma ka pule i hala, ua hoomahuahua" houia ae ke kunmpaa o ka hui mai ka $1,500,000 a i ka $5,000,000 i mea e hiki ai ke lawa pono na lilo o ke kapili ana i keia mokuahi hou.