Ka Nupepa Kuokoa, Volume XLVI, Number 5, 29 January 1909 — LILIUOKALANI IMUA O KE KOMITE O KA HALE [ARTICLE]

LILIUOKALANI IMUA O KE KOMITE O KA HALE

Mahope iho o ka lioao ana o ka Moiwahine i pau o Hawaii nei, Liliuokalani e loaa mai kekahi uku nona mai ke aupuni mai o Amerika e like me kana koi poho i waiho aku ai iloko o ka Ahaolelo, ua hoea kino aku oia imua o ke Komite o ka Hale o na Lunamakaainana ma ka la 14 iho nei o keia mahina no ka ninaninauia ana mai no na mea e pili ana i kana koi. Ua nui ka holo ana o ka Moiwahine no Wakinekona iloko o kela manawa mahope iho o kona hooneleia ana i kona kuleana maluna o ka noho alii me ka lioōlimalima ana i kekahi mau loio lehulehu e imi aku i kona pono ma na keehina apau i ku i ke kanawai, eia nae aole he manawa i loaa iki mai ai iaia ia pono, a hiki i kona waiho. i hou ana aku i kana koi iloko o kekahi mau makahiki ae nei i hala no umi miliona dala. He koi nae keia i apono oleia e ka Elele Kuhio, a ua waiho itaokoa loa aku oia i ka tiuina o elua haneri me kanalima kaukani dala no ka uku ana mai o ke aupuni o Amerika i ka Moiwahine Liliuokalani. Ma kela bila a ka Elele i waiho aku ai iloko o ke-kau aku nei,i hala i hookahua ai ke komite i ka lakou noonoo' ana, a pela ka Moiwahine i hoea ae .i imua o kela komite. Ma na mea i hoikeia mai Wakinekona mai, ua hoomaopopoia aku ko ka Moiwahine ae ana akū i keia huina a ka Elele o ka hookomo ana aku no ka pone o kela koi, a ua lilo o Mr. Hatch i mea kokua iaia ma ka hoakaka pono ana i na mea apau e pili ana i kana koi. Oiai nao o ka manawa mua loa kela i ikeia ai ma ka moolelo i ke ku ana o kekahi o na alii hanau o ka aina imua o kekahi komite, eia nae aole oia i aeia mai e kamailio aku imua o lakou, koe wale no konal hoolohe malLe aku i na mea e kamai'ioia ana e ke komite. i O keia koi no na mm i haupuia e

ko Honolulu nei poe, i ke leumu nui o ka holo ana aku nei, o ka Moiwahine Liliuokalani me ka Elele Kuhio no Wakinekona. Ina e aponoia mai ana kela huina e like me ke koi r a hui puia me ka haawina a ka AAaolelo i hooholo ai nona, alaila ua lawa kela mau dala nona.