Ka Nupepa Kuokoa, Volume XLVI, Number 5, 29 January 1909 — E HOOMALUIA ANA NA MA'I LELE Lawe ka Papa Ola i Kekahi Mau Keehina Wikani. [ARTICLE]

E HOOMALUIA ANA NA MA'I LELE

Lawe ka Papa Ola i Kekahi Mau Keehina Wikani.

Ma ka noho ana o ka halawai a k% Papa Ola i la o ka Poalima aku nei, ua hapaiia mai he olelo hoo* holo a hooholo loaia e hoomaluia k& poe i loaa i ka ma'ilele ma keia hope aku e hoikeia ae ana i ka Papa, m» ka nana ole pehea la ka nawaliwali & ikaika paha o ia ano ma'i. Ua hapaiia ae kela olelo hooholo mamuli o ka ikeia ana o ka laha loa o ka ma'i eha o ka puu ma kekahi ma« wahi o ke kulanakauhale nei. Ma ka hoakaka a Kauka Wayson ua oi aku ka pilikia o keia ma'ilele e pahola nei mamua o ka pilikia i ka ma'i ahulau maoli, no ka mea, o keia ano ma'i he palanehe loa kana hele ana mai i like ole me ke kulana o kei» ano ma'i i ikeia ma Amerika, a mamuli o ia kumu aohe hoike pinepineia mai i ka Papa a hiki i ka laha loa ana, ma na wahi like ole o ke kulanakauhale e hiki ole ai ke kinai aku i kona laha ana ma o a maanei> A hiki m'ai i ka malauia o Augate o kela makahiki aku nei, he umi-ku-mamaiwa poe ma'i o keia ano i hoikeia ae i ka Papa ; a hookahi mea i make mamuli o keia ano ma'i. I keia manawa ua laha loa ma na wahi like ole 0 keia kulanakauhale—ma ke awawa o Nuuanu a ma Waikiki, a e like me ka hoike a kekahi lala o ka Papa i ka manawa i noho ae ai o ka halawai, ua ikeia ka hoea mau ana ae oia ano ma'i ma kekahi mau wahi. 0 ka hapanui o keia ano ma'i i ikeia ai ma na mahina no ia i hala, a o ka hapanui o keia ano ma'i aole i lioike iki ia mai i ka Papa Ola a hiki walo 1 ka hala loa ana o ka manawa kupono e hoomalu ai Ma na kula aupuni kahi i ike nui ia ai keia ano ma'i pela ka hoike ae a James F. Morgan, a nana- i noi ikaika ae e hoomaluia ka poe i loaa i kela ano ma'i lele. Ma na mea e pili ana i keia ano ma 'i ua hoakaka ae ka Loio Kuhina Hemeuway i ka Papa lie nui na dala e hooliloia aku ana no keia liana ma keia mua koke iho, a ua hooholoia e hanaia kekahi mea kupono no ka Home o na Keikikane ma Kalihi, a o ka hale i haaleleia a e ku wale nei malaila e laweia ai i halema'i hoomalu ma'i. He mea pono e hanaia kekahi mau hana pono i mea e keakea aku ai i ka pahola loa ana ae a ka ma'i ma keia mua aku a e haawiia ka mana i na lunanana o ka Papa Ola e kau i na hoailona ma na hale i loaa i kela ano ma'i.