Ka Nupepa Kuokoa, Volume XLVI, Number 5, 29 January 1909 — HOAOIA KEKAHI KEPANI E POWA Helo Nae Oia me ka Piha Makau no ka Hoike ana i ka Halewai i Kona Pakele. [ARTICLE]

HOAOIA KEKAHI KEPANI E POWA

Helo Nae Oia me ka Piha Makau no ka Hoike ana i ka Halewai i Kona Pakele.

E lilo i hana makaala na kela ame keia mea no ko lakou mau pono iho oiai lakou e hele ana i ka wa poeleele, no ka mea ma ka po o ka Poakahi nei, a mawaena paha o ka hora umi ame ka hora umi-kumamakahi ua hoaoia iho la •kahi Kepani e powaia e kekahi mau kanaka elua. E nanea ana no kela Kepani i ka hele ma ke alanui Kukui, a iaia i kokoke aku ai i ke alanui Muliwai, ua "uio mai la he elua mau kanaka a kaili aku la i kana puolo e paa ana, a hoomaka aku la e holo iloko o kahi pouliuli. ' Ua holo koke mai la kela Kepani e hoike i ka makai no keia hanaia ana ona pela, a hoike pu aku la no hoi i na mea e pili ana i kela mau kanaka, a he hapalua hora paha mahope iho o kela manawa, ua hoea aku la he kaapio no ka halewai me ka puolo lole ame hookahi papalekapu, me ka olelo ana aku, ua loaa 'iaia kela mau ukana ma ke alanui Kukui, me kona manao kuhihewa, ua haule mai paha mai kekahi kaa mai. Aole e hiki i ke Kepani ke hoakaka pono mai i ke ano o na kanaka na laua i hoao e powa iaia, aka ma ka nanaia ana nae o ka papale kapu ua hoomaopopoia ma o kekahi mau lauoho i loaa aku iloko olaila, aole kela he papale no kekahi poe kanaka Hawaii, a i ole mau Kepani paha, aka h$ .papalē no kekīftii 'iAa'u lahui o na*&ina *e. He hookahi nae mea maopopo loa, no kekahi o na kanaka na laua kela hana kolohe maluna o ke Kepani kela papale. Aole hoi i manaoia no kela Kepani, oiai me ia no kona papale i kona wa i hoike ae ai i kela meahou i ka halewai.