Ka Nupepa Kuokoa, Volume XLVI, Number 5, 29 January 1909 — E MALAMAIA ANA KA LA HANAU O LINEKONA [ARTICLE]

E MALAMAIA ANA KA LA HANAU O LINEKONA

0 ka mahina o Feberuari ae nei e hoea mai ana, o ia kekahi o na mahina piha i na hana hoohiwahiwa ame na hana hookahakaha maloko nei o keia kulanakauhale, e lilo ai i mea hoohauoli aku i ka manao o ka lehulehu. E lilo ana nae i hana malihini ma Hawaii nei. ka malamaia ana o ka la hanau o Aberahama Linekona, aole hoi no ka la hanau o Keoki Wakinekona, no ka mea ua kamaaina iho nei na kanaka i ka malamaia o ia la ma kekalii mau makahiki ae nei i hala. Aole no i kaawale loa kekahi la mai kekahi mai, aka e kaa e ana nae ia Aberahama Linekona ke eo mamuli o ka malamaia ana o kona 2a hanau ma ka la 12 o keia mahina. ae, a ma ka la 22 aku hoi ko Wakinekona. Ke hoolalaia mai nei na hana hoohiwahiwa o ka la 12, o ia hoi na hana paikau hookahakaha ma ke kakahiaka, a he mau hana ahamele ma ke ahiahi iho. Ua manaoia, o ka hookahakaha e malammaia aku ana ma keia la, o ia kekahi o na hookahakaha i īke mua I

oleia ma Hawaii nei, no ka mea e hiki aku ana ma kahi o na kaukani koa e komo ana ma kela hana. E komo mai ana na koa marina e hoolulu mai nei makai ae nei o Kakaako, na puali koa kaua lio ma Leilehua, na koa no hoi o Kahauiki, na keiki o ke Kula Kamehameha, na pualikoa o Hawaii nei, ame na kamalii o na kula o keia kulanakauhale. Oiai nae he mau la mahuahua aku no koe a hiki mai i kela ia, nolaila ua manaoia e ala hou mai ana kekahi mau mea i makemakeia e hoolawa aku ma na hana o ia la, e lilo ai i mea hoohauoli i ka lehulehu. No ka la hanau hoi o Keoki Wakinekona, eia no na komite i haawiia aku ai ia lakou ka hoomaopopo ana i na haua o ia la, ke noonoo mai nei i na mea e pono ai. 0 na hoohiwahiwa kaa otomobile no na mea maopopo loa, a malia o komo pu mai no paha me na holo pa-u anio kekahi mau hana e ae no hoi i ikeia ma na makahiki mua i hala aku nei, eia nae aole he inau mea i maopopo pono loa i keia manawa.