Ka Nupepa Kuokoa, Volume XLVI, Number 6, 5 February 1909 — HE NANE HOONIONI UHANE KRISTIANO. [ARTICLE]

HE NANE HOONIONI UHANE KRISTIANO.

I ka Lunahooponopono o ka Nupepa | Kuokoa, Aloha oe:—E oluolu mai kou j hanohano no'u kau wahi kaawale o ka kaua hiwahiwa. Mamuli o ko'u ike ana o na Nane apau e hoopuka ia nei maloko o na Nupepa Kuokoa ame Kuokoa Home Rula, he poe Nane wale no ia i haku ia me ka noeau, a he ku i ka pohihilii ke huli aku, eia nae, he mea ole loa ia i na olohe huli mea pohihihs, ua hiki ke kuekaa ia, pau na pali paa i ka huli ia, pau oluna, pau olalo nei, a iho i ka papaku o k"a moana kai uli kai iipolipo, pii hoi i na kuahiwi,'na kualono, a lele hoi i ka leo o na manu, a pela wale aku; a no ka loaa wale hoi o ka haina o ia poe nane, nolaila, ulu ae la ka manao iloko o ! u e haku i kekahi nane paakiki ioa, a pohihihi hoi e loaa ole ai paha ke huli ia, a o na hua nunui e kau ae la ma ke poo o keia kukulu manao ana, oia ke kahua 0 ka nane, a eia iho na kahoaka hiki mua o ua nane nei a ke Kupaianaha nui wale: ]. Pauku Gula —Hoohelelei kēkahi a nui hou ae no nae; au'a hoi kekahi 1 ka mea ku ole i ka pono, o ka nele ka hope. SoI. 11:24. 2. Manao Nui—E hoolei i kau berena maluna iho o ka wai; no ka mea, a hala na la he nui loa, e loaa hou mai no ia ia oe. Kek. 11:1. 3. Kinnuhana —O ka mea lulu liilii e hoiliili liilii no ia, a o ka mea lulu nui, e houluulu nui no hoi oia. E like nie ka manao ana o kela mea keia mea iloko o kona naau, pela ia e haawi aku ai, aolp me k.a minamina. aole hoi me he mea la i auhau ia, no ka mea, ke aloha niai nei no ke Akua i ka mea nana e haawi oluolu aku. II Kor. 9:6-7 a eia iho ua nane nei, ma ke ano he ninau: Owai la ka mea a mau mea, a poe paha e haawi mai ana i ka lakou mau kokna ana i na Lau 01iva a ke Aloha (dala) no ka liale o ke Akua ma Pupukanioe, Kamalo, Molokai, he iki wale no, he io.no nae. Me ka lana no o ka manao e puehu liilii ana no keia nane i na olohe huli mea pohihihi o ka Pono Kristiano e noho -ana ma Hawaii Moku o Keawe, a Kauai Moku o Kalanipo. Mai keia la aku a ka la hope o Malaki e lioouna mai ai i na liaina o keia nane i ka mea nana ka nane, a ma ka malama o Aperila e hoopuka ia aku ai na inoa o ka poe i loaa pololei ka haina o ua nane nei a kakou ame ka nui o na Lau. Oliwa a kela ame keia mea pakahi. Aole na ka mea nana ka nane e haawi makana aku i ka mea e loaa ai ka nane, aka, na ka mea e loaa pono ai ka hina o ka nane, e haawi makana mai i ka niea nana ka nane, a oia kui paianaha no ia o ua nane nei, like ole me na, nane e ae. E hoōuna pololei i ka haina o ka nane ia Mr. Geo. Kekipi, ka mea nana "ka nane, ma kona wahi noho ma Puili Home, Kamalo, Molokai, Kalana o Maui, T. H. Me na keiki oniu hua metala ame ka Lunaliooponopono ka'u mau hoomaikai ana. Owau iho no me. ka oiaio, GEO. KEKIPI, Luna Ekalesia o Kaluaaha, Molokai.