Ka Nupepa Kuokoa, Volume XLVI, Number 7, 12 February 1909 — NALOWALE KEKAHI ALIIMOKU. [ARTICLE]

NALOWALE KEKAHI ALIIMOKU.

Me ka waiho ole iho i kekahi wahi huaolelo ame kekahi wahi moali ike mahope oua i hoomaopopo loaia ai ua j lele maoli no o William McCracken, I kekahi o na aliimok\f o ka mokuahi j Alameela mailuna aku o ka moku me ka manao i hookumu muaia e lawe i j kona ola me ka ike oleia. He aliimoku ' oia i minamina nuiia a he limahana | hoi no keia hui moku no na nfakahiki he iwakalua-kumamalima, a oiai oia -e I lawelawe nna i kana hana mamluna o , ka moku, ua nalowale honua iho la oia me ka maopopo ole o kona wahi j. hele j aku ai. Ua hoomaka koke kona huli ia ana mahope o kona makemakeia ana e kekahi o na aliimoku; ua noke ia oluna .o kp moku i ka huluiia ma na wahi like ole apau aohe nae i loaa iki, a mamuli o ia nele i manao ia ai ua lele oia iloko o ke kai me ka ike oleia i mea e hoopau kokeia ae ai kona.ola ana. Ma keia hōlo hou ana mai nei a ka mokuahi Alameda mai Kapalakiko mai a nia kahi he 150 mile kona mamao mai Oahu aku nei, ua nalowale honua iho la o William McCrai;ken mailuna aku o ka moku, mahope koke iho o ka hora eono kakahiaka. Ua hoonohoia e ia na luina ma na wahi like ole o ka moku no ka hoomaemae ana ame ka hookaawale ana i ka oneki, & o ka mea i ike hope loa iaia oia no o T. Knudsen aole nae oia i ike i kona haule a lele maoli ana paha" iloko o ke kai no ka mea, i ka wa i loaa aku ai iaia ke ua hele leoke aku la oia- e hooko a ike ole mai la i kona hopena. Aole i hala he hapaha hora mahope iho ua makemake kekahi aliimoku ekahi Dawson e ike iaia no kekahi hana ana i makemake ai iaia e hana aku; ua huliia oia, kaheaia aole nae i loaa," a no kona loaa koke ole ua manaoia ua hele paha oia ma 'kekani mau wahi e aku oiai he haneri a oi wahi. ana e hele ai- e nana. Mahopie iho, no kona oili ole mai ua hoomaka koke ia ka huli ana i ka moku holookoa mailuna a hala loa i na rumi olalo. Ua hala ka hora a oi o kona nōkeia ana i ka huli aole nae i loaa iki. Ua huliia o a ma na wahi like ole e manaoia ana aia paha oia malaila, aohe nae i lloaa. Aole i hooka 'ulūa /ka moku ma ka hoi hope ana e huli, oiai ua lohi loa ia a e holo ana ma kahi o mile i ka hora. Ua ninaninauia na iuina no kekahi mau mea e pili ana iaia aohe nae hookahi o lakou i maopopo iki i ke kumu o kona nalowale honua ana, a mamuli o ka ikeia ana aohe ku-ee a paio paha mawaena ona ame"kona mau hoa aukai ua hoqhol() lokahi na mea apau i ko lakou mau manao ua lele maoli oia iloko o ke kai. m I Ua ikaika ka lola oka moku me ka nuuui o na ale e pii mai ana aole nae | i uhi pu maluna o ka moku e pianaoia ai ua lilo maoli oia i ka ale a laweia aku paha mai ka oneki aku. Ua loaa kela haole i ka ma'i no kei kahi manawa; elua kalepa ana i haule ' mamuli o kela ma'i a i keia holo ana inai nei o ka moku ua kau hou mai la oia no ka manao nui no i ka hana. Ua ninauia akyi oia ina paha ua loaa iaia ka maikai kupQno e holo mai ai a ua a mamuli o ia kumu i. aeia aku ai īa e holo hou mai, ina la houia kekahi piea mft kona wahi. Ma ka noonoo akaheleia ana, ua loaa paha iaia kekahi manao uluhua a mamūli o ia kumu i' makemake ai oia e lawe koke i kona ola, no ka mea, aia no ke waiho mai la kana wahine me ka nawaliwali loa ma Kapalakiko, a hui pu hoi me kona ma'i hoouluhua, ua lawa loa kela mau kumu ana i manao ai he oi aku ka pono e make mamuli o ke ola ana, a me he mea la pela oia i manao ai e hoopokole i kona ola ma ka lele maoli ana iloko o ke me ka ike oleia. He kanaka Sekotia oia ma ka hanau ana, a o ka nui o kona mau makahiki he kanalima-kumamalima. Aneane iwakalua-kumamalima makahiki kona noho hana ana no keia hui mokuahi, a he kanaka oia i minamina nuiia no kona makaukau ame kona hoopono i kana hana. Ua haalele iho ia he wahine naWaliwali ame hookahi keikikane. Aohe o laua noho kuee me kana wahine, pela ka oleloia e na poe apau i kamaalna ia laua, maluna o ka. moku. Ua holo oia maluna o ka mokuahi Sierra no kekahi manawa a ua kamaaina.loaia oia e ko Honolulu 'nei poe apau ma ke alokai He mau makahiki loihi kona o ka holo ana mai . i keia awa a ua ike nuiia oia e na aliimoku kiekie o ko kakou mau kapakai. Aole i hoike iki ia aku i na ohua kela lono kaumaha, a mamua 'o ke ku ana mai o ka Alameda i ka uwapo akalii no'lakou a lohe mahui i kekahi poe luina. Ua pahola iho maluna o na kanaka apau o ka moku ke kaumaha ame ka minamina nui no ko lakou hoa aukai no kekahi mau makahiki loihi, he kanaka hoi na lakou i makemake nui ai me ka hilinai nui no kona makaukau ame kona ano hoopono ma ka hana.