Ka Nupepa Kuokoa, Volume XLVI, Number 7, 12 February 1909 — HANINI NA OMAKAWAI O KULANIHAKOI. [ARTICLE]

HANINI NA OMAKAWAI O KULANIHAKOI.

He wahi kuaua ano hookalakupua ka i iliki iho ma ka auwina la o ka Poaono aku nei i hala, mamuli paha hoi o na hana kokua i na bebe, a © kahi o ke kupaianaha, aole ka he wahi kulu ua i komo aku iloko o ka luawao hooki'o o Nuuanu. He hookuku kinipopo ko KamoiliiK. ma ia la, he ahamele hoi ko ka Hale Mele' Hou no ka bana o Pilipine o ka hoea ana mai, eia nae ua lilo kela knaua i mea hoopalakai i kela mau hana. He kanono maoli kela kuaua o ka iliki ana iho malokg nei o ke taona, ke hele la ka wai a kahe ma na alanui, oiai hoi na kanaka e pili wale ae ana no ma na wahi e loaa ai ia lakou ka malumalu.