Ka Nupepa Kuokoa, Volume XLVI, Number 9, 26 February 1909 — HAUOLI NO KA LA HANAU. [ARTICLE]

HAUOLI NO KA LA HANAU.

Ma ka nana ana i ka la hanau o ka Moi ku'i mua loa o ke aupuni Makua o Amerika Huipuia, oia hoi (George Washington) ua nui ke ohohia o na mea apau, ma ka nana aku o na Hawaii no ka oi loa. E kuu lahui aloha, e oluolu mai hoi kakou e hoonee malie ae ka noonoo i ka la hanau o ko kakou Moi aloha nui wale, nana i mawehe ae i ka pouli o keia nohona honua ana a nana no hoi i hookuikahi i ka nohona uluaoa o ka aina, a i haawi mai hoi i ka nohona maluhia maluna o ka aina me keia mau huaolelo aloha e poina ole ai, a'u e hoomanao ae nei penei "E hele ka elemakule a moe i ke ala." E oluolu mai e na papa hoeko o na Ahahui Hawaii ame ka lahui holookoa e hoala ae i ka noonoo a nana aku i ka la hanau o ko kakou Moi i aloha nui ia, Kamehameha I, Ka Na'i Aupuni e nee mai nei. E kala mai ia'u e ka lahui no keia manao. ✓ Owau iho no o ka oukou kauwa haahaa. LAPANA KEAWEPOOOLE.