Ka Nupepa Kuokoa, Volume XLVI, Number 10, 5 March 1909 — KUU WAHINE ALOHA UA HALA. [ARTICLE]

KUU WAHINE ALOHA UA HALA.

E ka Nupepa Kuokoa, Aloha oe:— E ae mai oe i ka'u wahi puolo luul»iu e hookomo iho ma kahi kaawale o kou kino lahilahi i ike mai ai ka ohana ame na hoaloha o kuu wahine e noho ana ma ka La puka ma Kumukahi a hoea i ka welona o ka la i Lehua. Ma ka hora 5 p. m. o ka la 13 o Feberuari, ua kipa mai la ka Anela ana ole o ka make ma ko maua home noho ma Moloaa, Koolau, Kauai, a lawe palanehe aku la i ka\hanu ola o ka'u wahine i aloha nui ia, Mrs. Pailile Hose Castro. O ka ]a o ka Haku me lie aihue la ia i ka po, ke kanaka i hanauia e ka wahine he hapa kona mau la, ua piha i pilikia ame ka p»oino, E hoi no ka lepo i ka lepo, a e hoi no ka uhane i ka mea Nana i hana. Ua hanau ia o Mrs. Pailile Hose Castro mai ka puhaka mai o Wahinemaikai ame Keoni ma Waimea, Hawaii, ma ka la 1 o lanuari makahiki 1862, ua piha iaia na makahiki he 47 a he 1 mahina ame 13 la o ka hanu ana i na eo oluolu o keia ola honua ana a hala wale aku la oia me ko'u minainina pau ole iaia e noho u aku ma keia aoao o ka muliwai eleele o ka make. Auwe! kuu aloha mokuhia ole i na waikahe he nui e! Luuluu wale au e. He mea nui au kana kane iaia ame ka maua mau moopuna, he waliine puuwai hainaina, he heahea, he oluolu, he lokomaikai, he hookipa i na mea apau e kipa mai ana ma ko maua home. Ua mare ia maua ma ka la 20 o Okatoba, 1881, ua piha ia maua na makahiki he 28 me 3 mahina & oi o ko maua noho ana iloko o ka berita maemae o ka mare; e like me ka Palapala Hemolele i a'o mai ai ia kakou na ka make e hookaawale. He hoahanau oia no ka Ekalesia Hui ia o Koolau, he elele hoi no ka Ekale6i.'i o oKolau i ke kau o o.katoba i hala ma Waimea, Kauai. 'He makuahine hooikaika hoi i° na hana pono e pili ana i ko ke Akua Aupuni. Nolaila ua pau kona lawelawe ana ia mau hana, me ke aloha, kuu ka luhi. no ka wa mau loa, Auwe! Kuū wahine leuu aloha e. lIOSE M. CASTRO. Moloaa, Koolau, Kauai, Feberuari 27. 1909.