Ka Nupepa Kuokoa, Volume XLVI, Number 10, 5 March 1909 — NA LONO KELEKALAPA MAI NA WAHI LIKE OLE O KE AO. [ARTICLE]

NA LONO KELEKALAPA MAI NA WAHI LIKE OLE O KE AO.

Ua haawi mai ke aupuni o Mekiko he $50,000" no kekahi laau hiki ke hoola i ka ma 'i piva. E kukulu aku ana na Moremona i heiau no lakou ma Kapalakiko i kekahi manawa ma keia mua ilio. Ma ka hoike e pili ana i ka nui o na hanau ua oi ae ka nui i keia makahiki mamua o ka makahiki i hala ma Kapalakiko. He pomaikai nui k-e loaa aku ana i ka poe kanu nuL i na kumulaau pale piwa ma Kaleponi. O ka bila kanawai e hoemi mai ana i ka nui (size) o na mokukaua hou ua ku-eia e ke Senate. elua mau keiki o ke kulanakauhale o Kikako i holo mahuka mai ko laua mau home aku me ka ike oleia no ka hele ana e hakaka me na Uikini. He mau keiki liilii loa keia. He ehiku o kekahi a elima o kekahi. Ua kakoo loa ka Ahaoīeio o Montana i ke paniku ola ana i na I£ e pani mai ke komo ana aku iloko o ia mokuaina. Aohe mau ku-e i waihoia mai e pili ana i ka bila e na moku a pau e liolo ana ina na moana laula me na uweaole. Ua hoao kekahi paahao Poko Kiko e lawe i kona ola ma ka anai ana i kona irfau maka me ke kopaa, maloko o ka hale paahao ma Kapalakiko. E hoala hou ana ka Moiwahine Helena o Italia i kekahi kulanakauhale hou ma kahi kokoke i ke kulanakau hale o Messina me kona dala ponoi. Ua hopu liewaia kekahi wahine o Kapalakiko no ka uku ole i kona mau aie; ua hoopii oia i kona poho no ka lioopaahewaia ana he $10,000 a ua ukuia mai kana koi. Ma ka hoike a na luna o ka oihana hoopaa inoa o na malihini komo mai o na aina e he hookahi haneri ka nui o na Kepani e komo mau aUu nei ma ke awa o Seattle i ka mahina. U?v kokua kekahi wahine o Walla Walla., Wakinekona ma ka hoomoemoe ana i kana kaikamahine he umi-kuma-maono makahiki e mare me kekahi Pake. t He ehiku mau Pake i hoounaia mai ( maluna o ka moku ma ke ano he na kalepa a e haliia maluna o ke kaa- ! ahi a i ka weheia ana ae ua aneane j maoli lakou e make mamuli o ke anu. Ua hoakaka a« ka Moi o Italia i kona makemake loa e ike ia Peresidena Rusavela i kona manawa e hiki aku ai ilaila oiai oia e holo loa ana no Aferika. Ke noonoo nei na Ona moku o Kapa)ak>ko e hoalala i laina mokuahi kuokoa mawaho ae o na laina moku e holo mau nei. Ua hanaiia kekahi wahine i ka laau make maloko o kekahi hokele ma Kikako a i kona loaa ana aku ua liauhoa ia oia i ke kapū auau. Ua manaoia keia kraima he mea paakiki loa i na makai ka huli ana aku a loaa. Ua hooholo ka Hale o na Lunamakaainana e hoolilo i ha Panalaau o Mekiko ame Arizona i mau mokuaina mamuli o ke koho ana me ke ku-e oleia. Ua hopuia kekahi mau haumana o ke. kula nui o Stanford no ke ku-e i ke kanawai kulanakauhale ma ke kapili ana i na pepa hoolaha maluna o na pou kelepona, e pili ana i na lealea e malamaia ana e ia kula. O ka manao o ke Senate e lioihoiia kekahi hapa o ke aumokukaua ma ka inoana Pakipika, a ua waihoia aku nae ia ninau nō ka mahele ana i ke Kakauolelo o ka Oihana Kaua Moana.