Ka Nupepa Kuokoa, Volume XLVI, Number 10, 5 March 1909 — KA AHAHUI MAKAAINANA AMERIKA O NA HANALIMA NOEAU AME LIMAHANA. [ARTICLE]

KA AHAHUI MAKAAINANA AMERIKA O NA HANALIMA NOEAU AME LIMAHANA.

Mr. Lunahooponopono o ke Kuokoa, Aloha nui: — E ae inai kou ahonui e hookomo iho ma kalii kaawale o kau ahaili>no i keia meahou malalo iho nei, a nona hoi ke poomanao e kau kehakeha ae la maluna. Mamua nae o ko'u wehe ana ae i ka i'o ame ka mole o keia hooha'iha'i olelo ana, e ae mai e aku i ka lei ilima o ka mahalo kiekie loa o ka Ahahui nona ka inoa maluna ae, ia oe ame kau Elele ahailono, ka Nupepa Kuokoa, a no ka mea ma kou mau eheu i hoopunana mua iho ai keia Ahahui ma kou kuahaua mua ana mai i na limahana apau o ke kulanakauhale alii o Honolulu nei e hui ae a pupukahi like i ka hoala ana i ahahui 0 keia ano. I E ae hou mai kou ahonui e pahola aku ma kou mau kolamu i na hoomaikai o keia Ahahui i ka Makua Nana e inalama nei ia Kahiliaulani Hall, mamūli o kona manawalea ana mai i ua Hall la no ka halawai niua loa nana 1 makia iho i ka pou kihi o ke ola ame ka holomua o keia Ahahui. He mea makehewa no f u ka hooplha hou ana i na kolamu waiwai nui o kau Elele me na hana mai ka wa i hoolalaia ai ke kukulu. Ahahui ana. a no ka merf, ua anapu mua ka uwila ia oe, a o ka neina hekili keia, ke haehaeih nei na paia lani, a o ka haule mai koe o na pakaua o ka holomua. Mahope iho o kela halawai o nn limahana i malamaia ma Kahiliaulani Hall ma ka la 3 o Feberuari nei. ua malamaia he mau halawai ma na i?o o na la 10, 11 ame 18 o keia mahina, a ua noonooia ke Kumukanawai- aine na Rula a ke Komite i hoomakaukau ai. Ua kua; ua kukuluia na pou, ua pii na paia, kau na lohelau, pii na o'a, hahau ke pili, hamo ke pena, a i keia wa ua malumalu ka hale. Ma ka halawai o ka la 18, ua waeia a kohoia ka Alihikaua nui ame kona mau paalalo, no ke kiai ana i keia hale nui i paa iho la, a o keia malalo iho nei ko lakou mau inoa: Sam Kanahele, Pereaidena; William E. Paikuli, Hope Peresidena; Simeon K. Nawaa, Kakauolelo Moolelo; Hon. Jos. Kakauolelo Ohi Dala; John K. Prendergast, Puuku; Sam Kaloa, Lunahooia; Sam Kaaumoana, Lunahoohana Nui; Jos. K. Clark, Makai; George Bungo, Kiai Puka. Na lala o ka Papa Hooko mawaho ae o na lunanui i hoakakaia ma ke Kumukanawai, ua waeia mailoko mai 0 na hanalima like ole, penei: Kainana, Chas. Lake ame John Kawailani; Penahale, W. Kamali ame Jolm Wallaee; Hana Paipu ame Tini, Ben Haaheo; Hana Uwila ame Telepona, William. K. Kaeo, J. Keohokii; Palainapuna ame William Holi na hana like ole. No keia wa a hiki i ka manawa e loaa hou ai he keena ōihana paa o ka Ahahui, e ikeia ana ke keena oihana ma ke Alanui Moiwahine a ma ke poo hoi o ke Alanui Mililani. Maanei e hele ae ai na lala hana ole a hui pu me Sam Kaaumoana, a i ole, o kona kokua, Chas. Lake a mai ia laua mai e maopopo ai ka hana. A o na poe hoi 1 makemake e hanaia ka lakou mau hana, e ike ae no ia laua ma ia walii, a e kukakuka ia no me ka oluolu ame ka waipahe. O na poe hoi i komo ole mai i lala no keia Ahaliui, ke poloai ia aku nei oukou ano ka wa. Komo mai iloko o ke apo hookahi, a pupukahi like i keia hana nui e hanaia nei. no kou pono, kau wahine ame na keiki. Eia ka olelo kaulana a na kupuna mahiai o kakou i ka wa o Waawaaikinaaupo ma: "Iluna no ka ua waele e i ke pulu." He wa naaupo ia o Hawaii nei, naauao nae ka olelo ame ka hana pu. E oi ae hoi ko kakou naauao, a no ka mea, ua lilelile na kualono o Hawaii aloha, a ke honi nei na kukuna malamalama o ka la alohi o ka Euanelio, a ke kahe nei waiu o ka naauao ma na awawa ame na kualono o Hawaii aloha. Ea, e na Hawaii o ke kapitala o na moku haa i ke kai, e ala! E ala a noonoo a hooholo iho i mau laalaau liilii kakou i apoia iloko o ke apo luookahi a lilo i hiki ole ke ha'iha'iia i ka hauna hookahi. O ke alahele o ka holomua o ia ka lokahi, o ka moali hoi o ka lokahi o ia ke aloha; a o ka pumehana hoi o ke aloha o ia ka hoakoakoa ana. Me ka 'mahalo nui ame ke aloha no hoi i ka Lūnahooponopono, ame na keiki kikokiko hua o kou papapa'i ka welina pau ole. SIMEON K. NAWAA. Kakauolelo. 1404 Dement St., Honolulu, Feberuari 19, 1909.