Ka Nupepa Kuokoa, Volume XLVI, Number 10, 5 March 1909 — POLOLEI OLE KA UNUHIIA ANA O NA BILA [ARTICLE]

POLOLEI OLE KA UNUHIIA ANA O NA BILA

TJa ulu ae kekalii mau lioopaapaa ana iwaena o na hoa o ka Hale o na Lunamakaainana mamuli o ka pololei ole o ka unuliiia ana o kekahi mau bila i komo aku ilokp o ka ltma o ke Komite Pa'i, a ua kuaki loa na mea na laua ia mau bila i unuhi pololei oleia no ka makaala ole o ke Komite Pa 'i i ka lakou hana. Ua ulu mai kela manao hoonaukiuki iloko o kekahi mau hoa, mailoko mai 0 ke Komite o na Aina Aupuni, mamuli o ka ike ana o kekahi mau hoa 1 ka pplolei ole o ka unuhiia ana o ka lakou mau bila. Ma ka bila a Coney, ua oleloia ae, aole loa i kulike ka manao i unuhiia ai ma ka olelo Hawaii me lea manao o ka bila ma ka olelo Beritania, a ma ka halawai ana o ke Komite o na Aina Aupuni ma ka Poalima i hala, ua hiki ole ia lakou ke noonoo i kela bila a hiki i ko lakou kuka mua anā me ke Komite Pa 'i. O Lunamakaainana Sheldon kekahi i hoike ae i ka pololei ole o ka unuhiia ana o kana mau bila, a oiai he nui ka poe unuhi bila i wailioia aku ai na bila no ka unuhi ana mai, aole no e nele ana ka loaa o ia ano like ole o ka unuhiia ana.