Ka Nupepa Kuokoa, Volume XLVI, Number 11, 12 March 1909 — ILI KA MOKUKUNA KAWAILANI. [ARTICLE]

ILI KA MOKUKUNA KAWAILANI.

Ma ka Poalua nei i hoikeia mai ai ka lohe i Honolnlu nei i ka ili ana o ka Mokukuna Kawailani ma ka hnli Koolau aku nei e kokoke la i Mokapu ma Kaneofce, a ua piholo kekahi .o kona mau luina iloko o ke kai me ka loaa ole o kona kino make. He wahi mokukuna kamaaina loa keia i na aekai o ka Mokupuni o Oahii nei e holoholo ana mawaena o Honolulu nei ame na awa o na Koolau, no ka halihali ana i na ukana o kela ame keia ano. Ma kekalii lono i hoikeia ae, e hoao ana ka mokukuna e hoopilipili aku iuka o ka aina, aka mamuli nae o ka pohu, ua ku malie ka moku i kahi hookahi, a ma ia ano i hookuuia ai ka waapa iloko o ke kai no ke kolo ana aku i ka moku a hiki i kahi i makemakeia ai no ka hookuu ana i ka heleuma. Aia maluna o ka waapa, he eha mau luina, lie elua mau kanaka Hawaii ame elua mau Korea, a oiai- no lakon e kolo ana i ka moku, ua pa mai la kekahi nalu nui, a poipu \ho la i kahi waapa, a o ka palahuli no ia o ke alo ilalo. Ua au aku la nae he elua mau kanaka Hawaii a pae i ka aina, a me hookahi Korea, a nalowale iho la ke kino o ka lua o na Korea, a ua manao waleia mamuli o kona ike ole i ka au ke kumu o kona makē ana. Ma kekalii oleloia, aole no ka he poino loa o ka mokukuna ma kela wa i loaa mai ai keia meahou, me ka ma{naoioia e liiki ana no ke hukiia a hemo i ka wa e hohonu mai ai ke kai.