Ka Nupepa Kuokoa, Volume XLVI, Number 11, 12 March 1909 — HE HOALOHALOHA NO MRS. KAUMEALANI MAHOE. [ARTICLE]

HE HOALOHALOHA NO MRS. KAUMEALANI MAHOE.

Mr. Lunahooponopono, Aloha oe: — E oluolu oe e hookoino iho ma kahi kaawale o ka Nupepa Kuokoa i ka ukana nui a luuluu e kau ae la maluna. No ka mea, ua palapalaia, Aole o kakou mau kulanakauhale e mau ana maanei, Ina e hele au a hoomakaukau i wahi no oukou, E hoi hou mai no au a e lawe io'u la e noho ai oukou ma ko'u wahi e noho ai. Ua hala aku ma kela aoao mau o keia ola honua ana ko makou hoapaahana i aloha nuiia o Mrs. Kaumealāni Mahoe ma ka la 17 o Feberuari, 1909; a hoi aku Ia ka Uhane me ka mea | Nana i hana, a hoi aku la ke kino lepo no ka lepo. Ke hoi la no na hoa i ka home ma kela ao. Nana e i kalii maha no na luhi na luuluu, Malia mau no na luhi, maha mau no kakou, O Mrs. Kaumealani Mahoe i hala aku la, he puuku, he kumu no ka papa 0 na makuahine o ke Kula Sabati o Kaluaalia, Molokai; he lala no ka Ahahui Hooikaika Kristiano, he lioahanau a he Luna Ekalesia no ka Ekalesia Makua o Kaluaaha, Molokai; he pou hana a he koo ikaika luli ole no na hana Kristiano; he paahana oiaio hoi e hana ana me ka hoomanawanui i na mea e holomua ai na hana o kona Kula Sabati, Ahahui Hooikaika Kristiano ame kona Ekalesia Makua. E hele pu ana me kona Kula Sabati ma j na wahi apau e kaliea ia ai ka Hoike Hui o na Kula Sabati o Molokai; a e au pu ana i ke kai o Pailolo i ka Hoike Hui o na Kula Sabati o Molokai,~Maui, ame Lanai, ma Lahaina, Maui. Nolaila ua lilo kana mau hana apau 1 kia hoomanao na kona Kula Sabati Ahahm Hooikaika Kristiano ame kona Ekalesia i mea e hoomanao ai me ka poina ole nona, a hiki wale i ka la a ka Makua Mana loa i lawe aku ai ka moa nona na kanawai luli ole. e hooponopono ana i ko ke kanaka ola ana; a lawe aleu la i ka uhane o ko makou hoa paahana i alolia nuiia. Ma ka lani kuu home e maha mau ai Pokole paa ole kuu noho maanfei, lluna i ke ao kuu home mau, He maliliini no au ma keia ao. Maha mau no na luhi ; maha mau no kakou, Ma ia hale lasepi, a kuu Maleua aloha i kukulu ai. j Nolaila ua ili iho maluna o makou, ke Kula Sabati, ka AhahuL Hooikaika | Kristiano ame ka Ekalesia holookoa o Kaluiuiha. Molokai, ke kauiiialia, l.uuUui, ehaeha ame ke aloha no ko makou lioa paahana i hala e altu jma o. Nana no i haawi mai, Nana no i lawe aku. E hoomaikaiia kona Inoa. llooholoia, Ke komo pu aku nei makou e kaumaha a e luuluu pu me ke kane i hooneleia i ka wahine, na keLki na moopuna ame na hoaloha o Mrs. Kauinealani Mahoe i aloha nuiia. Hooholoia, Ke waiho aku nei makou i ka makou mau leo pule imua o ka mea nona ka mana, e haawi mai i ka naau maha a e lu ae i na ehaeha, na luuluu mailuna ae o ka ohana a o kakou pu no hoi apau e hauoli no auanei kakou i kona moe ana iloko o ka poli o ko kakou Haku lesu Kristo. E me ka mea i palapalaia: P(miaikai ka poe i make iloko o k» Haku i like hoi ko kakou hopena me ko lakou. Hooholoia, E hoounaia i hookahi kope i ka Nupepa Ke Aloha Aina, ka Hoaloha, ke Kuokoa ame ke Kuokou Home Ēula, Ma o ko makou Komite la, O makou no me ka walohi.i, LTBBLE K. ILAE, HENRY H. EWALIKO, MfSS LUCY KAUANUI.