Ka Nupepa Kuokoa, Volume XLVI, Number 11, 12 March 1909 — HOOPII KU-E I KA MOIWAHINE. [ARTICLE]

HOOPII KU-E I KA MOIWAHINE.

WAKINEKONA, D. C., Feb. 24.-0 Mrs. Lydia Dominis, a i ole ma ka inoa i kamaaina loaia o Liliuokalani) ka Moiwahine i pau o Hawaii ka inoa 0 ka mea i hoopiiia ma ka hoopii e koi ana e ukuia aku i $11,000 no ke poho mamuli o ka aelike i hooiaia mai ua hahakiia, a waihoia ae imua o ka Aha Kiekie i keia la e Kauka Charles H. English o Wakinekona, ka mea i olelo ae ua hoohanaia oia malalo o ke kauoha a ka Moiwahine mā ke ano he kauka kuokoa nona no ka manawa elua makahiki. E like me ka hoike a .ke kauka, o na olelo maopopo ma ka aelike, e ukuia oia i $300 no kela ame keia mahina; no na hoolilo kāahele a pela aku 1 $150 no ka mahina, a i ka paii ana o ka manawa o ka aelike e loai i ke kauka ka uku kaulele o $500. A no keia aelike ke noi nei oia i ka Aha e haawiia mai ka pono o ka olelo hooholo ma kona aoao a e koi ana i ka Moi\yahine no ka uku piha ana i ka aelike lie $7,200 no elua makahiki ame $500 uku kaulele i hooholo likeia me ka hoolaweia ae o ka $800, ka uku o elua mahina a oi i uku pololei muaia aku iaia.