Ka Nupepa Kuokoa, Volume XLVI, Number 11, 12 March 1909 — EHA MAMULI O KA HULI ANA O KE KAA OTOMOBILE. [ARTICLE]

EHA MAMULI O KA HULI ANA O KE KAA OTOMOBILE.

Ma ke ahiahi Sabati noi hora 8:30 ua loaa kekahi ulia poino ia D. B. Maeonaehie, kekahi limahaua o ka Hui o Theo. H. Davies & Co. ame Mr. D. llaughs ine kana waliine, mamuli o ka hu ana o ke kaa otomobile a lakou e kau ana a hooku'i nie ka paila poliaku ma ka lua pohaku o Harrison nia ke alanui Kapaliulu. E liolo mai ana kela kaa otomobile me ka ikaika mai Kaimuki mai no ke kaona nei. I ka hiki ana ma ka hale wili pohaku o Harrison ma Kapahulu, ua hiki ole i ka mikini ke hoohuliia me he mea la ua poino kekahi wahi o ka mikini, no ka mea, aole hiki ke hoohuli ae. Ma kahi o ka holo pololei o ke kaa i ke alanui, ua holo ae la ke kaa ma leekahi aoao a hooku'i ana me kekahi puu pohaku ma kahi kokoke i ke alanui. Ua ku koke ke kaa i ka wa i hooku'i ai a palahuli iho la ma ka aoao, a oiai o Mr. Haughs aia oia mahope kahi i noho ai o ka noho uuku, ua lele mua aku la oia a haule ana ilalo me ka eha ole. 0 Mrs. Hauglis, ua huli pu oia me ke kaa, aole.nae i loaa na palapu koikoi iaia. O Mr. Maeonaehie ka mea nana. e kalaiwa ana, ua kiolaia oia imua a hooku'i me ka huila, a eha ka umauma; oia ka mea o lakou i eha loa. Ua hoilioi koleeia oia i kona hale a haawiia na lapaau kupono apau nona. Ua nui ka poino i loaa iaia a ma ka hoikeia mai e loaa ana no ka iaia k& oluolu mamua o ka pau ana o keia I pule. I Ma ka hoi ana mai ake kaa uwila mai Kaimuki mai ma ke kakahiaka | Poakahi nei, ua ikeia ke kaa otom.> bile pilikia e waiho ana ma ha'i o Ve alanui, a na na ohua o ia kaa i hoike ae i ka halewai ame na keena pa'i nupepa e huli pono aku i na mea e pili ana i kela poino. Ma ke awakea ae, ua kiiia ke kaa poino a koloia mai i ko kaona nei « haiia hou ai.