Ka Nupepa Kuokoa, Volume XLVI, Number 12, 19 March 1909 — E PEPEHI I KE KANAWAI WAIONA. [ARTICLE]

E PEPEHI I KE KANAWAI WAIONA.

He mea e hookahahaia aku ai ka manao o ka lehulehu o ka poe makee i ka pono o ka aina ame ke ola o ka lehulehu, ka ike ana.i ka lekei ana ae o ka hapanui o na Senatoa o ka Ahaolelo o Hawaii, a haawi aku i ka lakou mau kakoo ana no ka pono o ka poe kuai waiona, ma o ka holo ana oke Kanawai Waiona hou ma ka Poakolu nei, tfe 11 m a ka aoao kakoo, a he 4 wale no ma ka aoao ku-e loa. Ma keia koho ana i aha'i ae ai ka Mokupuni o Kauai i ka haaheo ma o kona mau Senatoa la, Knudsen ame Fairchild, ke ku ana ma ka aoao o na makaainana o Kauai a paio aku no ko lakou pono e like me na leo i pa-e mai ia lakou mai, ''e ku-e aku i ka hoololiia ana o ke Kanawai Waiona c ku nei i keia manawa." Ua ku hookahi aku o Senatoa Kalama o Maui, no ka pono-o Ha makaainana o ka Moku o Kama, a pela hoi o Senatoa Smith q Oahu o Kakuhihewa, aka aia iho la ihea ka nui o na Hawaii oiaio, ka poe i hoolilo ia lakou iho i mau kauwa na ka lehulehu, a hana aku e like me, ko ka lehulehu makemake e like me na palapala hoopii iehuleliu i hoea aku imua o lakou no ka pepehi ana i ka moo nahesa? Ua huli pu na Senatoa Repubalika mai ko lakou mau manao kupaa ae, ua hehi i ka makemake o ka poe na lakou i koho aku ia iakou, a ua uhaki i ka hoohiki a lakou i hoopaa ai imua o ko lakou mau aoao kalaiaina ke kahuahana la, aole e lawe mai i kekahi mau hoololi no ke Kanawai Waiona e ikeia nei kona maikai a'me kona kupono. Aia ihea na Senatoa Chillingworth, Quinn, Brown, Uoelho, Kobinson, ka poe i hoopaaia malalo o ka hoohiki e hoopakele ae i na Hawaii mai na hookauwa ana a ka waiona? Ua lilo aku i mau kāuwa na ka poe kuai waiona k.ikaikahi, ka poe e kauka'i ana no ka pomaikai o ko lakou mau pakeke ponoi iho, me ka naha ole i ka nui o ka ino, ka hune, ka pilikia ame na auwe ana iloko o kekahi mau ohana lehulehu mamuli o keia kupuino hoowalewale ka waionp. Aia he heluna nui o na keiki Hawaii oiaio iloko o ka Hale o na Lunamakaainana i hookauia aku na hoohanohano ana a ka lehulehu o ka poe koho haloka apuni ke Teritore)- o oukou pu anei kekahi e lilo i mau kauwa na ka poai o ka poe kuai waiona? Ma keia wahi e ikeia ai ko *otikou aloha ia Hawaii Aina a ia Hawaii Lahui, e ku iluna a maloeloe a e hoike aku i ke ao holookoa, ua makaukau mau oukou e hoopakele ae i ko oukou i 'o ame ko oukou koko mai ka hoopaumaeleia ine na kihe'ahe'a o na hana hoomaewaewa a ka mgo nahesa ino ka waiona. Ke kaena nei na hoaloha o ka poe kuai waiona kakaikahi aia he heluna nui o oukou i lilo akd-ma ka aoao e luma'i ana i ka lahui ilalo, ina pela e hoopakele ia oukou iho mai ke kau ana aku o na hoohilahila ana a ka poe e makee ana i ka maikai ame ka pono. No ka inoa maemae o Hawaii, ke ku nei ke KUOKOA a kauleo aku ia oukou e na Hoa Hanohano o ka Hale Kaukanawai e nana i ka pono o ka hoa kanaka o "kipa hewa auanei ke aloha i ka ilio," aole wale i hoikeia ae ko oukeu makee ana e hana i ka pono kaulike mā ia ano, aka ua hookau pu aku oukou ia Hawaii ma na anuu kiekie o ka hiiinaiia mai, no ko oukou ku-e ana j na hooikaika imi pomaikai a ka poai o ka poe kuai waiona. , E nana i na leo uwalo a na makaainana mai o a o o ka aina ma o na palapala hoopii e waiho la imua o oukou, oiai o ka hiki mua ia o ka oukou mea e nana aku ai, aole o ka poai e pee mai nei me ka hoawiki mai o ko lakou mau maka, a waiho aku na na Senatoa kuai waiona iloko o ke Senate e hooikaika aku no ko lakou poho. Aole he hana pohiliihi' ia oukou'a i ka leliulehu holookoa hoi o ka poe noonoo maikai a akahele, ka akioma ana aku .i ka iini nui ame ka makee e loli nei iloko o ka poai o ka poe kuai waiona no ka lanakila o ke keehina a lakou e makemake nei e hookoia, me ka nana ole pehea la ka nui o na ku-e e waihoia ae ana no ka hooko. oleia o ia mea i upuia. Ke upu aku nei no hoi-ke KUOKOA e hoopakele ae 'ana oukou e na Hoa Hanohano o ka Hale ia oukou iho mai ka hoohuikau wale ana aku ma ke Senate ma ka iuma'i ana ia oukou iho iloko oke ki'owai hookahi, e like me ia i hanaia mai ai ia oukou maluna o ka Bila Helu 98 o ka Hale, i vitoia mai ai e ke Kiaaina. "E ouiu'o. i ka wauke oi opiopio! [L. H. Kuokoa.]