Ka Nupepa Kuokoa, Volume XLVI, Number 13, 26 March 1909 — NA KIIONIONI MA KE KAHUA MA'I Ohohiaia na Kii Onioni a Bonine me he Hana Mana la, no ka Piha Kupaianaha. [ARTICLE]

NA KIIONIONI MA KE KAHUA MA'I

Ohohiaia na Kii Onioni a Bonine me he Hana Mana la, no ka Piha Kupaianaha.

Ma na mea i loaa mai nei mai ke kahua ma'i mai o Kalawao, ua like pu ka hoikeia ana aku o na kii onioni i na ma'i ma'ka pule aku nei i hala, me he haua mana la. Ma ka Poaha aku nei o ka pule 1 hala i hoilv.eike aku ai o Mr. K. K. Bonine ka haole pa'ikii onioni kaulana, i na kii imua o ke kaukani o ka poe ma'i; iloko o na leo hooho o ka hauoli, ke kaliaha ame ka hehe o na aka i ka manawa e hana mai ana na kii i na hana kupaianaha me he poo ola maoli. I ka pau ana o na hana hoikeike ma kela po.mua loa, ua haawi ae kela poe ma'i, he mau huro ana i ke kanaka nana i hoikeike aku i kela hana kupaianaha ia lakou; a he mau hoomaikai ana hoi i ka poe apau i haawi mai i ka lakou mau kokua ana no kela mikini kii onioni. Ua lilo kela i po nui hookahi ma ke kahua ma'i e hiki ole ai ia lakou ke hoonoina. He keu no hoi o ke aumoku kaua o ka Akelanika ka mea kamahao a lakou i ike ai, eia ka o keia aku ka oi loa o kc ku i na hana aiwaiwa. Mamuli o kela mau kii onioni a na ina'i o ka ike ana, akahi no ka hapanui o lakou a manaoio. lie oiaio ka na mea i hoikeia aku ia laKou no na wahi ano nui, ame na mea kupaianaha o ke ao nei. Akahi no kekahi o lakou a ike 1 na alanui akea o na kulanakauhale, na liale nunui a lakou i moeuhane mua ole ai ame na hana kupaianaha le\iuleln\ o kela ame keia ano. He mau leka ka i kakauia mai nei e hoike ana i ka nui ohohia o na ma'i no keia nuhou kamahao, e ikeia no kekahi o ia mau leka ma kekahi mau wahi e ae o keia pepa. * He nui maoli ko Mr. Bonine ononia ia e na ina'i. a mamuli o ia ohohia, ua au'a mioli mai lakou iaia e noho hou aku no hookahi pule. He mea nae na ka lehuleliu e hauou ai ka ike ana i ka lilo o ka lakou niau kokua, i wahi e loaa ai kela mau kn onioni a pela pu hoi me ka mikini, i mea hoopomaikai aku i kela poe iloko o ka.aina o ka ehaeha.