Ka Nupepa Kuokoa, Volume XLVI, Number 16, 16 April 1909 — HE MAU HAOLE HEIHEI APUNI KE AO NEI [ARTICLE]

HE MAU HAOLE HEIHEI APUNI KE AO NEI

Ua hoea mai no keia kulanakauhale ma ka Poaono i hala aku la he elua mau haole, no ka hele ana apuni ke ao nei iloko o na inakahiki ekolu, a o ka makana no ia heihei ina ko laua hoea aku i ko laua walii o ka hoomaka ana mai e hele alaila e. loaa aku no ia laua ka uku makana o eono kaukaoi dala. Ua haalele aku keia mau liaole ia Denver, C'olorado ma ka hora uml o kakahiaka o ka la 5 o ka mahina aku nei o lanuari, no ka laua huakai kaapuni honua, a i kulike ai me ke kumu aelike, e hōea hdu aku laua ma kela wahi ma ka la 5 o lanuari, 1912. O kahi o ka apiki ma ke kumu aelike, aole laua i aeia e uku maoli aka i ko laua ukumoku i wahi e hiki ai i kekahi aina, a aole no hoi laua i aeia e hele e noi i wahi e. loaa mai ai ka laua dala a mau meaai paha, aka o ka hana wale no i aeia aku, o ia ko laua kuai ana i ko laua mau kii ponoi. O ko laua alnhele o ka hoea ana mai i Honolulu nei, maniuli no ia o ka pee ana iloko o ka' Mokukalepa Irmgard, a i ko laua wa i ikeia ai i ka moana, ua lilo laua i mau luina a i ke ku ana i Honolulu nei, o ko laua lele mai Ia no ia iuka nei o ka* aina, a hele aku la e kuai i k 0 laua mau kii. Ua nui ka laua mau kii i lilo ma keia kulanakauhale, a ke kali nei laua o ka loaa he manawa kupono e holo mahuka ai maluna o kekahi mokuahi e haalel.e iho ana i keia awa no lapana, Mamuli o keia ikeia ana ae o ke alahele wale no o ka hiki i keia mau haole kaahele honua, o ia ka holo mahuka ana maluna o na moku me ka uku ole i ko laua ukumoku, nolaila ke makaala pono loaia nei na mokuahi e haalele iho ana ia Honolulu nei no lapana.

Ua kaapuni mua no kekahi o keia mau haole i ke ao nei, e hoomaka ana mai Kelemania mai, a o ka nui o na makahiki ma ia hele ana ana, he eha me ekolu mahina. | Aole i maopopo ka lilo o ka makana j ia laua, aka*e like me ka hiki ana ia laua ke haalele awiwi iho i kekahi j vri»hi no ka holo ana aku no kekahi I wahi, pela iho la e lioopokoleia mai ai! ko laua manawa a hiki i ka pahu hopu I i aelikeia ai no ka loaa mai o na kaukani dala ia laua. I