Ka Nupepa Kuokoa, Volume XLVI, Number 16, 16 April 1909 — UA HALA, UA WEHE MAI I KA PILI HOOKO-O IA LOKO. [ARTICLE]

UA HALA, UA WEHE MAI I KA PILI HOOKO-O IA LOKO.

Maewa ka uhane 0 ka wahine hele hookahi, Wehe i ka pili ka mea aloha he kane, Niua ka naau 0 na keiki makuaole, Hapapa hewa na makamaka i ka mea aloha, Ui ka malihini auhea kamaaina, | Puanuanu wale ka hale makua ole, ! Ninau ka hoaloha auhea 0 Punahoa, Ua hala, ua nalohia i ke ao polohiwa a Kane, Auwe kuu wahine, kuu hoapili hoi—e! I ka hookele o ke Kilohana, ka Lunahoop'onopono, Aloha oe: —He wahi puolo waimaka ka'u e hiipoi nei, a ina |e loaa mai ana i wahi kaawale o kou oneki, e ae mai i kau wahi rumi kaawale, no keia wahi puolo no ka mea, ua anu au ua maeele i ka iniki a ke aloha. Ua oluolu 1 ka Mea Kiekie Loa ke kii ana mai i ka uhane makamae 0 ka'u wahine i aloha nui ia, Mrs. Punahoa Kaahu ma ke ahiahi Poakahi i hala a hii aku la ma kela ao nani, a 'waiho iho la i ka lepo e hoi i ka lepo. Ua lianauia oia ma Kainaliu, Kona, Hawaii i ka 1862. Ma ka makahiki 1875, ua mare muaia oia me Williai* H. Fereir ma ka la 4 o Dekemaba, a ma ka 1905 i make ai kana kane mua, a ma ka la 26 o Feberuari, 1909 i mare hou ai me a J u. Ua piha iaia na makahiki he 47 ma keia ao inea a hala aku la oia. He makuahine oluolu, heahea, lokomaikai a hoopono oia me ka makaala mau m a na hana o ka home, he mau ]a pokole wale no kona o ke kaa ma'i ana, aohe manawa i ea mai ai a hala wale aku la no. He wahine i noho loihi ma Honolulu ne? me ka noho hana ana no ka manawa loihi no na 'lii i hala a no ke Keikialii Kuhio ola nei a ua kamaaina loaia oia e ka hapanui 0 ko Honolulu nei poe kamaaina. Ua haalele iho oia mahope nei he mau keiki, na hoaloha ame ka nui me ka lehulehii e paiauma aku nona a ia'u hoi kona hoapili o na la inea, he kane. E hoomaikaiia na lani no Kona lokomaikai palena ole. Nana i haawi mai a Nana i lawe aku. SAMUEL KAAHU. Puuokapolei, Honolulu, Aperila 7, 1909.