Ka Nupepa Kuokoa, Volume XLVI, Number 16, 16 April 1909 — HAKAKA KE KOHOLA ME KA MANO [ARTICLE]

HAKAKA KE KOHOLA ME KA MANO

Ua lilo i mea e hialaai nuiia e na malihini o ka Moan Hokele ka ike ana i ka hakaka o ka Mano me ke Kohola mawaho ae o Waikiki ma ka hora uml a oi o ke kakahiaka Poakolu nei. Elike me ka anea mau i na malihini e nolio nei maloko o kela hokele, e hele mau ana lakou mawahi o ka lanai e nana ai i na mokuahi e ihalele iho ana i ke awa o Honolulu nei, pela lakou i akoakoa ae ai ma ka lanai no ka nana ana i ka hoopuka ana ae o ka Mokuahi Alameda. Oiai ka Alameda e hookokoke ae- ana mawaho pono aku o ka hokele, ua ikeia aku Ia ka lele ana ae o kekahi kohola nui iluna, me ka noke ana o kona hi'u i ka uha'u iluna o ka ilikai. Aole i maopopo ka hana a ke kohola ia manawa, aka ma ka nanaia ana aku maei me ka ohenana, ua ikeia <aku la, e noke ana ke kohola i ka paka'uwili i 0 a ia nei, mamuli o kekahi mea e ae iloko o ke kai, a ua ikeia aku no hoi kekahi mea eleele i kekahi manawa i ka oku ana ae iluna o ka ilikai. Ma ka hoomaopopo ana a kela poe malihini i ka loa o kela kohola, aia no ia ma kahi o ke kanaono kapuai a pii ku a hiki i ka hookahi haneri me kanaha kapuai. He kohola nui maoli kela e like me ka hoomaopopoia ana o kona loa. He waa lawaia kekahi e lana kokoke aku ana ma kahi o ke kohola e noke mai la 1 ka lele iluna o ka lewa, a i ka ike ana i keia kupueu, ua hoomaka koke na kanaka lawai 'a e hoe i ko lakou waa no ka hookaawale »na mai kahi, aku o ka poino. j