Ka Nupepa Kuokoa, Volume XLVI, Number 16, 16 April 1909 — HELE NA LUNAMAKAAINANA E IKE I KA MOIWAHINE. [ARTICLE]

HELE NA LUNAMAKAAINANA E IKE I KA MOIWAHINE.

Mamuli o ka loaa ana ae o kekahi kono i na hoa o ka Hale o na Lunamakaainana mai ka Moiwahina Liliuokalani aku ma ka Poakahi rei, nolaila ua apono aku lakou ia kono mamuli o ka hele kino maoli ana aku e halawai pu me ia ma ke kakahiaka o ka Poaiua ae, ma kona wahi noho ma Wakinekona Hale. Ua haalele iho na hoa hanohano o ka Hale i ko lakou keena hana ma ke kakahiaka o ka Poalua nei, i kulike ai me ke kono, a hele wawae aku la no kahi <T ka Molwahine. Ua apo ohaohaia mai lakou e Liliu maloko o kekahi o kona mau hale malaila, aole hoi maloko o kona home maoli, oiai e hana houia ana no ka hoomaemaeia ana. Malaila no o Joe Aea, ke kakauolelo a ka Moiwahine, a nana i alakai aku i na Solona kau Kanawai maluna o kekahi pakaukau i hoomakaukauia ai na mea ai mama iy> lakou e haupa iho ai.