Ka Nupepa Kuokoa, Volume XLVI, Number 16, 16 April 1909 — NOHO I KE PUHI NO KA AIHUE MOA Paa ke Korea Nana i Aihue na Mea a ko Kalihi Poe i ka Hopuia. [ARTICLE]

NOHO I KE PUHI NO KA AIHUE MOA

Paa ke Korea Nana i Aihue na Mea a ko Kalihi Poe i ka Hopuia.

O na mahalo ana a ko Honolulu nei poe no ka eleu ame ka makaala o ka oihana makaikiu hou o Honolulu, malalo o Mr. Leal ua hiki ole ia ke kanaluaia, mamuli o ka paa ana ae o kekahi Korea i ka hopuia ma ke Sabati i haīa i'ho la. Aole he kamailio ana no Peter Nawai, a i ole no ka Paele mahuka Mr. Harris ua paa mai iaua i ka hopuia, aka eia ke kau mau aku nei na maka o ka puali makaikiu maluna o ka poe hakihaki kanawai i koe e hoomau mai nei i ka lakou mau hana ku-e i ka pono 0 ka lehulehu. No kekalii manawa ae nei i hala, i lilo ai i mea hoopilikia aku i kekahi poe ouka o Kalihi, ka lilo . ana o ka lakou mau moa i ka aihueia, a ua ikeia no hoi kekahi mea e kfekahi poe Kepani, a na lakou .i noke i ke alualu a hiiki i ka nalowale ana. Ua hoikeikeia tnai nae ke ano o ke kanaka i ikeia ai, »e komo ana oia he poo kii, a ia manawa i loaa koke ai na hoohuoi ana ia Leal, ua maopopo aku la iaia ka mea nana kela mau hana, a ia wa oia i hoonoho aku ai i kona mau makai' no ke kiu ana i ke kolohe. Mamuli nae o na hoike i loaa ia Leal, ua huliia aku la ka rumi o ke Korea i hoohuoiia nona ka inoa o Yee Dong Kui, a loaa io aku la ke poo kii e waiho ana, i hanaia mai kekahi papale kaleponi kahiko mai, me kekahi mau puka i houia i wahi e nana aku ai na maka. Ua loaa pu aku no hoi he elee maiiu, me na ljulu moa oloko, a mamuli o na hooia māi ka poe Kepani mai na lakou i uhai i keia Korea ma kekahi po o ka pule i hala, i hoomaopopo loaia ai, oia ka mea nana i hoopahu'ā aku 1 ka poe malama moa o Kalihi. AoJe keia o ka makamua loa o ka paa ana mai o keia Korea i ka hopuia, aka ua maumaua loa oia i ka noho ana i Kawa:. Oiai o Leal e noho ana ma ke ano he makai kau lio, ua hopu muaia eia keia Korea mamuli o ka loaa ana' aku' e aihue ana mawaho o Punahou, he ekolu ae nei makahiki i hala, a hoopa'iia oia he eono mahina e noho ai i Kawa. īaia i hemo mai ai ma ia hope mai, ua paa hou iho la no oia no ka lua o ka manawa, no ka aihue no, a he mau manawa hou no ma ia hope mai, a o ka hemo koke ana mai no ia, paa hou iho la no i ka hopuia e like me ia i ikeia ae nei. »