Ka Nupepa Kuokoa, Volume XLVI, Number 18, 30 April 1909 — MOOLELO O KA AHAHUI EUANELIO MOKUPUNI O OAHU. [ARTICLE]

MOOLELO O KA AHAHUI EUANELIO MOKUPUNI O OAHU.

La Hana 1. Noho ka Ahahui Mokupuni o Oahu, ma Waikane, Poalima, Aperila 9, 1909, hora 9:30 a. m. Na ke Kakauolelo i hoomalu ka Aha. Hoomakaia na hana me ka himeni ame ka pule a L. D. Keliipio. Koho ka Aha ia L.. D. Keliipio i Lunahoomalu no ka manawa. Hoomaopopoia na lala o ka Aha i hikl mai. Kawaiahao, aohe Kahu, J. H. S. Kaleo Elele: kaumakapili, aohe Kahu, W. B. Nahalau Elele; Kalihl ame! Moanalua, Wm. K. Poai Kahu, Jos. j Kia, Elele; Ewa, S. K. Oili Kahu, W. N. Kahumoku Elele; Waianae, M. K. , Nakuina Komite, Mrs. E. Watson E- ] lele; Waialua, U. D. Keliipio Kahu, i J. K. Kaianui Elele; Hauula, aohe j kahu, aohe Elele; Waikane, M. K. Kuikahi Kahu, Joe Robert Elele; Kaneohe, aohe Komite, P. D. Kellett Elele. Na Lala Mau.—E. S. Timoteo, M. K. Nakuina. Jos. Kia, W. N. Kahumoku, C. H. Maemae, D. K. Halualani, O. P. Cox, S. P. Kaaia, S. T>. Nuuhiwa, O. H. Ouliek, D. K. Kaaiahua, W. B. Ole.=on. J. P. Erdman, H. P. Judd, H. K. Poepoe, J. K. Kaohl ame S. K. Kamaiopili. Koho ka noho i na Komite Mau — Komite o na Hoike Klhapai, E. S. Timoten, Jos. ,Kia ame S. K. Oili. Komite Hoalohaloha, S. P. Kaaia, O. P. Cox aine Jas. H. S. .Kaleo. Komile o na Paiapala Hoopii, W. B. 01eson, M. K. Nakuina ame M. Kuikahi. Komite Hoike Papahelu, E. S. Timoteo, S. K. Oili ame S. P. Kaaia. Komite Pa'i, H. K. Poepoe ame W. K. Poai. Komite Imi Hana, W. K. Poai, H. K. Poepoe ame M. K. Nakuina. Hoike a ke Komite Imi Hana—Na Hana Maa Mau— 1. Hapalua Hora Haipule. 2. Na Hoike Kihapai o na Ekalesia Hawaii ame ko na Lahui e. 3. Hoike Papa Helu a na Kahu Ekaleaia ame na Komite o na Ekaleaia Kahu ole. 4. Hoike Komite o na Ekalesia Kahu ole. 5. Hoike a na Komite e ae. 6. Hoike a na Akena o ka Papa Hawaii. 7. Hoike a ke Kumua'o Baibala o keia Aha. 8. Hoike o ka hana a na keiki a ka Aha i Laikiniia. 9. Na keiki hou a keia Aha. 10. Na Keiki a ka Aha me haawi laiklni. 11. Na Ekalesia Kahu ole. 12. Na Kahunapule Ekalesia ole, ame ke Kokua. 13. Ke ola o na Kahii, na Komite, ame na keiki a ka Aha. 14. Ka Waihona o ng wahine kanemake a na Kahunapule me ka hoike a na Luna Nui. ' 15. Ka .Ahahui Manawalea me na Hoike. 16. Na mea keakea i ka pono, ka piliwaiwai, ka hookamakama, ka waiona, ame ke Kanawai Sabati. 17. Na Palapala Sila o na Kahua Ekalesia. 18. Na Kula Misiona. 19. Ka Hoike a ka Puuku o keia Aha. 20. Na Hale ame na hana hou; (a) Luakini, (e) Hale Kahu. (1) Halehalawai, (o) Hall, a i ole, Settlement. 21. Lulu—(a) Papa Hawaii, (e) Papa Amerika. (i) Papa Miaiona Kuloko Amerika. 22. Komit6 a keia Aha i ka Paeaina. 23. Koho ana i na Luna Nui o keia Aha, Komite Hoonohonoho Papa Hana ame ke Koimte Imi Hana. 24. Kahi ame ka manawa e noho al keia Aha. 25. Na Palapala Hoopii. Na Hana Hou—(a) Kahi ame ka wa j kupono e bapetizo ai i na keiki. (e) Ka wa kupono e malama ai i ka Ahaaina a ka Haku. (i) Kia Hoomanao o na Makua Misionari. (0) Ke ola o ka Aha Paeaina. (u) Kia Hoomanao no Opukahai'a. (h) Komite Hoeueu Kaahele Manawa no ka Paeaina. (k) E lilo na Makuahine haipule a na Kahu ame na Makua; i mau lala no keia Aha. (1) E hookumuia ka Ahahui "The Pocket.Testament League." (m) Ka malama ana o na Kahunapule i na poe i okiia. Hapal ka Aha i ka Hana.— 2. Na Hoike Kihapai. Na J. H. S. Kaleo i ko Kawaiahao; na Joseph Kia i ko Kalihi ame Moanalua; na W. N. Kahumoku i ko Ewa; na Mrs. E. "Watson. i ko Waianae; na J. K. Kaianui i ko Waialua; na Joe Robert i ko Waikane, na P. D. Kellett i ko Kaneohe. Waihoia na Hoike i ke Komite. 3. Na Hoike Papahelu a na Kahu ame na Komlte. Na W. K. Poai i ko Kalihi ame Moanalua; na M. K. Nakuina i ko Waianae; na Wm. B. Oleson i ko Bihop Memorial ehapel, waihoia i ke Komite o ia hana. Hapai ka Aha i ka Hana 4, 5, ame ka Hana 6, aole I makaukau. Nee ka Aha i ka Hana 7, Hoike a ke Kumua'o Baibala o keia Aha. Na J. P. Erdman i kana hoike ma ka hoike waha, unuhiia e M. K. Nakuina Nee ka aha i ka Hana 8, aohe i mai kaukau. Nee ka Aha i ka Hana 9, Na keiki hou a ka Aha, ame ka hana 10, Na keiki a ka Aha, me haawi laikini. Waiho ka Aha i keia mau Hana i ke Komite Wae, o ekolu laia, E. S. I Timoteo, J. P. Erdman, ame O. H. j Gulick, ia lakou e waihoia aku ai na | inoa o na keiki hou a ka Aha, no ka nieniele ana i ko lakou kupono e lilo : i poe keiki na keia Aha, a na lakou e noonoo i ke kupono o na kelki mua, e haawi ai i ka laikini. Nee ka Aha i ka Hana 11, aole mea i noonooia. Nee i ka Hana 12, waiho ikiia a hapāi hou mai. Hapai ka Aha i ka Hana 13, Kē Ola o na Kahu, na Komite ame na keiki a ka Aha, ma ke noi, ua waihoia a hoi mai na hoike Kihapai Hoike Papahelu ame na hoike hana a na keiki mua a ka Aha, Hapai ka Aha i ka Hana 14, Ka Waihona o na Wahine kanemake a na Kahunapule, na ka Aha i ka luuluu a loaa na dala he umi ($10.00). Hapaiia ka Hana 15, aohe i makaukau. Hapaiia ka hana 16 ma ke noi, ua waihoia a hoea mki o oni a M. K. Nakuina', ua hapai ka Mr. Woolley. Nee ka Aha i ka Hana 17, Na Palapala Sila o na Kahua Ekalesia. (Aole i pau.)