Ka Nupepa Kuokoa, Volume XLVI, Number 18, 30 April 1909 — HOALOHALOHA. [ARTICLE]

HOALOHALOHA.

Me ka Luuluu! Mamuli o ka leo kahea o ka Haku mailuna mai, ua kahea ia mai kekahi mau hoapaahana o keia Aha i ka manawa i hala ae nei, e hoi aku e noho pu me ia i ka nani mau loa ma o ae. A ua hookoia hoi na oielo o ka pala Hemolele; Heb. 4:9 "Nolaila, e waiho ana he wahi maha no ko ke Akua poe kanaka." Hoik. 14:13 ' Pomaikai ka poe make ke make iloko o ka Haku." Ua oiaio keia mau olelo, a ua piii hoi ia i keia mau kauwa a ka Haku. 1. O W. L- P. Kaneaiii, he hoahanau a he hoa paahana kuoo a ikaika hoi, no ka hana a kona Haku i aloha nui ai oiai oia me kakou. 2. O Rev. H. Binamu, he Makua !M!isionari mua ia no ka lahui G-ili-pati, a nana i unuhi i ka Baibala i ka olelo Gilibati, a ua aloha nuiia oia e na hoa mislonari ma ia Paeaina. a ua aloha nui ka lahui Gilipati ia Binamu, a peia no keia Aha. a ma na la hope o kona ola ana, m.e kakou no ia' a hiki i kona kahea ia (make nae ma Amerika) pii ae no malaila no kela home mau loa. .3. O Rev. S. E. Bihopa, ma ka la 23 o Malaki o keia makahiki, ua oluoluia e ka Makua Lani, ka lawe ana aku i ka uhane o kana kauwa. He makua hoi i noho alakai no ka pono o keia lahuL Ma ka noho poo ana no ke Kula Nui o Lahainalua i kekahi mau makahiki. A ua alakai 'no hoi i na lala ame na hoa o keia Aha- ma ka naauao, no na mea e holomua ai ke aupuni o lesu. Aole no e pau ka lakou nei mau hana maikai i ka hoike ia aku—aka nae. E lilo auanei i kia hoomanao na keia Aha e poina ole ai. Nolaila ma o kou Komite la. 1. Ke uwe pu nei kakou i ka hoomanao ana ae. Ke lawe liilii ia aku nei na makua, a anoai wale no ka makua O. H. Gulick e maaloalo nei imua o keia Aha. 2. Ke uwe hou nei kakou me na pihana o na makua i hala aku. 3. E hoomaha mai ana ko kakou Haku i ko kakou mau ehaeha —a Nana no e holoi ae i ko kakou mau | waimaka mai ko kakou maka ae. Me ka mahalo, O makou o kou Komite, JAS. H. S. KALEO, S. P. KAAIA, JOSPH KIA.