Ka Nupepa Kuokoa, Volume XLVI, Number 18, 30 April 1909 — PAA NO KA AIHUE MANAKO. [ARTICLE]

PAA NO KA AIHUE MANAKO.

Mamuli o ka makaala o kekahi o na makai kaa haikikala 1 paa mai al he Kepanl alhue manako 1 ka hopula ma ka po o ka Poaono aku nei, ka mea nana e a'o aku iaia, he hana hewa ka maau hele ana iloko o ko ha'i pa i ka po, a ina paha no kona kiia mai I ka pu, ina ua make ma'uwale oia mamuli wale no o na hua manako kakalkahi. Ma ka hapalua o ka hora elua o kela po Poaono, e holo ana ka makai maluna o kona kaa ma ka apana q Punahou, a Ike aku la ola I ka hele o kekahi mea ma ke alanui Waiia, a i ka hoea ana mawaho pono ae o kahi 0 Ryc-roft, ua ku Iho la ofa, me ke komo ana aku iloko o ka pa. i No ka manao o ka makai, e komo aihue ana paha keia mea lloko o ka haie. noiaila ua kokolo malle aku la oia me ka hakilō loa ana i ka hana a ka- mea komohewa. O kana o ka Ike ana aku, o la no ka noke ana o ka mea kolohe i ka ohi I na manako apau e mokakl ana lluna o ka lepo, ame na manako apau e loaa ae ana i kona mau lima ke, laiau. Ua nanea maoli ola iloko o keia pa, me ka manao ole ae he mea e ae kekahi i Ike mai iaia, a 1 kona hol ana mai ka hana, e noho aku ana ka makai e kiai iaia, a o kona paa no ia 1 ka hopuia a lawe loaia mai no ka halewai. Ua hookolokoloia ae ola iloko o ka Aha Hoomalu, a ahewala e noho paahao no na la he umi-kumamailma, a maiia e aho paha hol ia, kaa na ke aupunl ka malama ana mai iaia i ka <£i, aole hoi e hele e aihue i ka manako oloko o na pa.