Ka Nupepa Kuokoa, Volume XLVI, Number 19, 7 May 1909 — E HOOLOHE. [ARTICLE]

E HOOLOHE.

Ke kauohaia aku nei na Ekalesia apau ame na Kula Sabatl apau o na Motoipuni o Maui, Molokai 'ame Lanai, e hoouna koke aku i na kokua no ka waihona kokua ola o ka Aha Paeaina i Honolulu, ia Rev. Moses K. Nakuina. Mai kali a lolehi iho; oka oioi mua no ka loaa, aole'e lohe i ka leo. O ka miki a. eleu, ku no imua i ke alo o na 'lii. A mau no hoi ka moto kaulana "Eo no ia Maui," aohe hoi a Molokai Nui a Hina, o ka Hēke no ia o na Moku. E hoouna mai'i na inoa o ka poe e hele ana i ka Aha Paeaina ia Rev. R. B. Dodse ma Wailuku, e hoike pu mai i ke kulana oihana o kela ame keia. Penei:—Kahunapule, Elele Ekalesia, Kahu Kula Sabatl Nui, Kahu Kula Sabati Apana, Elele Kula Sabati. , Owau iho no me ka haahaa mau SWEET H. KAUILAOKALANI. Kakauolelo Ahahui Kula Sabati ame Ahahui Euanelio Ahahuina o Maui, Molokai ame Lanai. Waihee, Maui, Aperila 26, 1909.