Ka Nupepa Kuokoa, Volume XLVI, Number 21, 21 May 1909 — HE HOOMAIKAI. [ARTICLE]

HE HOOMAIKAI.

E oluolu mai kou hanohano e ke Kilohana a ka Lahui Hawaii i kekahi wa-hi kaawale o kou mau kolaipu i hookomo iho hoi oe i kela mau> huaolelo e kau ae la maluna a nau hoi ia e uwila aku ma na pe'a apau o ka aina mai ka La 'hiki mai ma Kumukahi • a ka welona a ka Ia i Lehua i ike mai ai kona mau kini makamaka ame na hoaloha, na makua, na kupuna na kaikuahine, na pokii o ia hoi keia: Ma ka la 25 o Aperila, M. H. 1909 i kii mai -ai na lima menemene ole o ka Anela i ka uhane o William Kaloi a hoihoi aku i ka mea nana i hana a o kona kino puanuanu o ia ka makou i u iho ai me ka luuluu ame ke kaumliha. He kanaka oia i kamaaina nui ia ma Honolulu nei ua hana iluna o na kalepa, a ua noho lunanui hoi no ke kipikoa a hoi aku la ka uhane i ka mea nana ia i hana a hoi ka lepo i ka lepo, a nolaila,' ke haawi aku nei makou i ko makou hoomaikai palena ole i na poe apau f komo pu mai me makou i na hoomanao ana i ke aloha no ko makou hanau mua William Kaloi a maluna <o oukou o na hoahanau 0 ka Ahahui Manawalea' o na Poola ko makou hoomaikai paliena ole a pela no hoi me na kaiikuahine Poola, ka ■papa himeni o ka Hoomana o lesu Kristo o na La Hope, na lunanui o ke kipikoa, no ko oukou komo pu ana mai me makou ma ke kiai ana i kona kino wailua a hiki i kona nalo ana E hoomaikaiia Kona inoa, Nana no 1 haawi mai a Nana no i. lawe aku. O makou iho no kona mau pokii aloha. Keaholau Kaneiakama, Mrs. Keola Sam Kalawela, Kamaka Kaneiakama, Mas. Kaia Kaneiakama ame Mas. Kaleikini Kaneiakama.

CONSTANTINOPLE, Mei 7.—Maloko o na pepa i loaa aku iloko o ka halealii i ikeia ai he $5,000,000 a ke Suletana i pau iloko o na hanako ma na aina e, a ma ka hoikeia mai ua hoole ia mau hanako i ka uku ana mai i kela mau dala i ke aupuni hou i ka wa e koiia aku ai.