Ka Nupepa Kuokoa, Volume XLVI, Number 22, 28 May 1909 — KUKULUIA HE HALE A PAA I KA LA HOOKAHI. [ARTICLE]

KUKULUIA HE HALE A PAA I KA LA HOOKAHI.

E lilo ana paha i mea aku i ka manao o kekahi poe manaoio Akua mn. o ka ike ana aku i ka moolelo o ke kukuluia ana o ka hale o kekahi wahine mawaho ae nei o Kaimuki a paa e kekahi poe kokua aloha iaia ame kana mau keiki, a keia wahine n£e o ka manaoio loa ana ūa hoea inai. kela poe kokua o kona pule mau ana i ke Akua me ke kuio iloko o kona manawa o ka pilikia. O Mrs. C. Elvin ka inoa o kela wahine, a he elua hoi ana mau keiki liilii. Uoko o kfekahi manawa ae nei i hala, ua hoihoiia aku la kana kane, a makuakane hoi o na keiki liilii noioko o ka haiema'i, o ka poe hokii, a koe waie iho la no lakou, me ka loaa ole he home no lakou e noho ai. ,Aole no lakou i nele loa' i ke dala no lakou e pono ai, aka he hookahi o lakou pilikia nui, o ka ioaa kahi e malu ai mai ka ua ame ka la mai. He apana aina no ko lakou liiawaho o Kaimuki, a ua hoolalaia no hoi ke kukulu ana aku {home no lakou malaila, aka no ka hoihoiia ana o Mr. Elvin noloko o ka halema'i i hi'ki ole ai ke ko ia manao. Ua 'hoea aku la nae ka pilikia o keia wahine amē kana mau keiki, a iohe o Mr. Fi-ed Lowrey o ka hui o Lui ame Ku"ka, a ulu mai la ka manao aloha iloko ona no ,keia ohana, a nana 4 lawe ae i na hoolilo no ka papa e kukulu aku ai i ka hale. 0 kekahi ninau nui, o ia no ka poe na lakou e kamana a paa ka hale no kela poe, a ia manāwa I hui aku ai oia me na Hoahanau Lucas, a o .laua aku hoi imua o ko lāua mau kanaka ■hāna, a aole he hookahi mea o lakou i Ihoole mal i ka haawi ana aku ī na kokua manawalea ana, ma o ka hele maoli ana aku e leukulu i kela hale. Nolaila ma ke kakahiaka Sabati 1 hala aku la, ua hoea ae ma kela gaihua o ka hale,. he iwakalua-kumama-lua mau kanaka hana, mai na haiku a ko laua mau kanaka ponoi, a hoomaka aku ia e kamana i ka hale, me ika nana ole ae i ka luhi, a hele no hoi a hiki i ka po ana, ua paa iho ia ka 'hale, e malu ai kona ohana pilikia. 1 ka ike ana mai o kekahi haole e hoho ana ma kela wahi keia poe kanaka hana, ua hoolako mai oia ia lakou me na mea ai e pono ai lakou, a he. oiaio ua holopono ka lakou hana ana, a he hale u'i maoli no hoi e haaheo ai ka manao o kela makuahine anie kana keiki.