Ka Nupepa Kuokoa, Volume XLVI, Number 22, 28 May 1909 — HE WAHINE ILIHUNE AIHUE PAI [ARTICLE]

HE WAHINE ILIHUNE AIHUE PAI

KAPALAKIKO, Mei 2.—Mahope o ke ola ana no umi la maluna o na wahi hunahuna ai liilii i loaa mai ma ka aihue ana ame ka moe ana i ka po maluna o ke. kaupaku hale me kahi huluhulu hookahi e hoopumehana ai iaia, ua» hopula iho la kekahi wahine opio, o Mary Johnson ka inoa, he wahine ilihune haalele loa aohe •wahl keneka hookahi e ola ai ma ka la i nehinel, a lawe ia iloko o ka halepaahao. Iloko o na la he umi i hala, aku nei, e haohao mau ana na kanaka o keia mau wahl no 'ka pau o ka lakou mau meaai i ka laweia me ka maopopo ole o ka mea nana e lawe. Ma ka la i nehinei ua ike aku la kekahi wahine e noho nei nia ke Alanui Baker i kekahi wahlne i ka hele ana mai a hopu ino i kā pai i waihoia aku ma ka holopapa ma kā rumi mahope o kona hale e hoomaalili a 'holo aku la. Ua nana loa oia a hiki i kona ike ana i ka pii o ua wahine nei iluna o kaupaku o ka hale maluna o ke alapii a nalowale aku la me ka pai no e paa ana. Ua hoike kokeia aku kela hana i ka makai a hoomaka aku la ka ma kai e pii iluna ma ke alapii. I kona kau ana iluna ike koke aku la oia ia Mary Johnson e hoonuu mai ana i ka pai. Ua hopuia oia a laweia i ka halepaahao. I ka wa i ninaninauia ai o Mary Johnson ua hoike ae oia penei: "Aole hiki ia'u ke alo ae i ka aihue ana no ka mea ua pololi. He umi la ko'u noho nele ana aohe a'u wahi keneka hookahi, a no ia nele he oi aku paha ka pono e hele au e aihue i mea e ola ai au. "Ua noke au i ka huli i ko'u kaikaina aohe nae he !oaa. O kema inoa o Elizabeth MeMann.' Ua mare oia me kekahi kanaka walwai hē mau makahiki ekolu i hala aku nei. Mamua o kona mare ana ua hoopaapaa maua, a ia manawa mai aole au i ike hou iaia. "He hana no ka'u mamua he kela lole iloko o ka hale kela lole, a i ko'u hoopauia ana mailaila mai ua kipaku ia au mai ko'u hale hoolimalima mai no ka hiki ole ke uku i ka hoolima'llima o ka hale no ka mea aohe a'u dala. He elua pule kela i hala aku nei. la'u i haalele ai i ka hale hooHmalima ua lawe aihueia mai e a'u kekahi huluhulu. "XJa manao hoi au ina e loaa ana kuu kaikaina malia e kokua mai ana hoi oia ia'u. Ua maopopo no ia'u aia oia ma ke alanui Baker kahi i noho ai a no ia kumu e maalo mau ana au malaila me ka manao e ike mā ana la hoi oia a haawi mai i mau kokua, eia nae aole o'u ike iki iaia. "Mahope iho o kekahi la ua loaa iho

la ia'u ka ike aia kekahi hale ma- 1 laila e hiki ai ia'u ke pii a kau i kaupaku me ka ike oleia. Ua lawe au i kuu wahi huluhulu hookahi a kau iiaila a malaila au i moe ai no kekahi mau po. Nul ke anu, a no olUa po paha i hala ae nei ua 1110 aku la kuu huluhulu i ka aihueia e kekahi mea a'u I ike ole. "Ae, he oiaio na'u i aihue na mea liilii mai kela hale mai ma ka puka mahope e like me ka ka ona hale e kamailio la. Aka, he me'a pono e loaa la'u kekahi mea ai e ola al au a o ke kumu hoi o ko'u pilikia loa aohe o'u ma.kamaka e hele aku ai-e noi i mau kokua mai a lakou mai."