Ka Nupepa Kuokoa, Volume XLVI, Number 23, 4 June 1909 — HE LIO HOLO PUPULE. [ARTICLE]

HE LIO HOLO PUPULE.

He lio holo pupule ka mea nana i pauaka i kekahi makai kau lio mamuli o ka alualu hele ana ma kekahi mau alanui o ke kulanakauhale nei ma ke kakahiaka o ka Poakolu nei, a hiki no hoi ma ke alanui Dowsett, akahi no a paa, mahope iho o ke alualu ana mai ke taona x aku nei. . . Ua hoomaka kela lio e puiwa ma ke alanui Moiwahine, a holo pololēi ma ke alanui Nuuanu a hiki i ke alanui Kukui, alaila ua holo .no ke alanui Liliha, a hiki i ke alanui Kula, a mailaila mai hoi hou i kai no ke alanui Moi. U!a mokaki aku ka ili kaa ma keia mau wahi a ua lio la o ka holo aha, me !ta nahaha pu o ke kaa. Maloko o kekahi pa o ke Kepani e kaula'i ana ka lole holoi, ua komo aku la kela lio, me ka noke ana i ka hoohihia i ke kaula, a mailaila mai i holo ai hooku'i me kekahi hale, a alaa puia oao o ia hale, a e ole wale no ke Icomo ana ma kekahi alanui ololi, pela i paa ai i ka makai.