Ka Nupepa Kuokoa, Volume XLVI, Number 25, 18 June 1909 — HE MOOLELO NO TINA POLENA A I OLE Ke Kaikamahine Loea Hana Lihilihi o Brukela. [ARTICLE]

HE MOOLELO NO TINA POLENA A I OLE Ke Kaikamahine Loea Hana Lihilihi o Brukela.

MOKUNA XVIII. "Ke hauoli nei au e heluhelu mau aku imua o kou makuakane," i pane aku ai o Tina, me he mea la ua loaa mai ke ola hou iloko o keia kaikamahine, mamuii o kona hoomanao ana iho, aole wale no ka heluhelu kana mea e hana aku nei, aka ua lilo pu ia i mea e ho*suoluia aku ai na manao kaumaha o kela elemakule. I ka .holopono ana o keia mau hoolala ana mawaena o Tina amo kona haku wahine, ua haalele 'mai la o Kakalina iaia nei maloko o kona keena hana, me ka pika nae o ua haku la ona me ka hauoli, no ke kaawale ana ae o kana kaikamahine mai ka lilo ana i haiia hoouluhua aku iaia, ma o ka heluhelu ana iinua o kona kupuimkane. Ua hookahaha puia aku no hoi ua wahine la no kona hoomaopopo ana i ke akamai o kana kaikamahine hana lihilihi i ke kamailio Palani ame Kelemania, a no kona piha haaheo nae, aole e hiki iaia ke niele aku ia Tina i kona wahi o ke a'oia ana, aka ua i iho la nae oia iloko ona, i ka laki o kana kaikamahine, mamuli o ka loaa ana o keia wahine nana e a'o aku iaia i ka olelo Palani ame Kelemania. Ma ia auwina la nae, ia Tina e noho hookahi ana maloko o ke keena hana, ua komo mai la ka wāhine malama hale, a no ko ia nei noho hookahi ua noho pu mai la kela, a noke mai la i ka hoike i ka moolelo e pili ana i kela ohana. Mai keia wahine malama hale aku i loaa aku ai ka ike ia Tina no ka manawa mua loa, o keia kanaka elemakule ka ka Ela o Karifoda, a makuakane hoi o Katarina. Nana pu no hoi i hoike mai i ka make ana o ke kane a kona hakuwahine, me ka waiho ana iho he elua mau keiki, oia kela kaikamahine e noho la imua o kojia alo, ame kekahi keikikane e iho. Ua make mua ka wahine a ka Ela, he iwakalua makahiki i hala, a mahope aku no ona i ukali aku ai kana keikikane, he mau pule wale 110 ke kaawale o ka manawa mawaena o laua. N'o Katarina hoi, ua make no kana kaue oiai oia ma na aina'e, a mamuli o ke kauoha ana aku a kona makuakane i huli hoi mai ai lakou a noho like me ia a Tina e ike nei i ka makua me ke keiki a me ka moopuna hoi. Mai kela manawa mai o ka make ana aku o ka wahine ame ke keiki a ka Ela i hekeu mai ai na haawina kaumaha maluna ona, a no na makahiki elua i ku a pupule maoli ai oia, eia nae mamuli o ka nee ana mai o ke au o ka manawa i pii maikai mai ai kona ano a hiki i ke kaawale loa ana aku o ia haawina mai iaia aku, aka nae, he o ia mau no ka nawaliwali o kona ola kino. Ua hoike aku la no hoi kel» wahine, he kanaka waiwai loa ka Ela, me kekahi mau aina nui lehuplehu e waiho ana ma na kuaaina, no lakou na uku makahiki maikai, me na dala mahuahua iloko o ka banako, e nele ole ai ka ohana ke noho aku. 0 ke keikikane a kana kaikamahine ka hooilina i manaoia aku ai no na waiwai apau o ka Ela, a aia hoi oia i Kelemania kahi i hoonaauaoia ai, maloko o kekahi o na kula kiekie o ia aupuni. Ua lilo maoli ka moolelo a ka wahine malama hale i mea hoohialaai aku i ko Tina manao, eia nae aole oia i ninau iki mai i kekahi mau mea, a i ole hoi ia, alakai aku paha i na kamailio ana ma kekahi mau mea e ae, aka o ka hoolohe malie wale aku no kana hana, me kona piha makemake nae e maopopo loa iaia ka moolelo pili i keia ohana. Ua nanea wale iho la no laua nei maloko o kela keena hana, oiai hoi o Tina e noonoo ana no ka i ana mai o kona haku e au'a iaia ina e pau ana kana hana lihilihi ana, a o ka noonoo nui wale no iloko o Tina, o ia no kona hoohauoli ana aku i kela elemakule, mamua o na mea e ae. 1 kekahi la mai, ua hoi hou mai la no ka Ela a noho maluna o kona noho iloko o ke keena hana, a i ka hiki ana mai i ka manawa ana i makemake ai ia Tina, no ka heluhelu ana aku iaia, ua lilo ia mau hora i manawa hauoli loa iloko o kona ola ana, a i ko laua kamaaina pono ana iho kekahi me kekahi ma ia mau la mahope mai, ua ike maoli mai la ka Ela aole ka keia he kaikamahine na ka poe haahaa loa, aka ua komo oia iloko o na anaina like ole a ka poe hanohano, a ua hoonaauaoia hoi oia ma kekahi mau ike kiekie loa, e lihi launa ole aku ai na kaikamahine e ae. I kekahi la nae ua ninau okoa mai la ka E'la ia Tina i ka pane mai: ''lhea kou wahi o ka ike ana i kena mau mea apau au e hoike inai nei ia'u, e laa ka moolelo o Rubena, o Ramabena, Titiana ame Korego ame kekahi mau moolelo e ae," Ua mae koke ae la ka helehelena o Tina no keia ninau kuwaho o ka waihoia ana aku imua ona, aka ua pane mai la no nae oia me ka hiki wawe loa: "He niii ka'u mau buke o ka heluhelu ana, a he nui hoi na kii a'u i ike ai o ka poe kaulana i ke kakau moolelo, a ma ia ano iho la i hiki ai ia'u ke hoikeike aku i na mea au e ninau mai nei." "Ua hoomaopopo i'o aku nei no au pela, a pehea i Italia no nae paha oe, i Roma, i Eololena ame Venika?" "Ae, ua kaahele waleia no ia mau wahi apau e a'u," wahi a Tina me ka puai ana mai o ka ula ma kona mau papalina. Aole aku la no hoi e nele kou hele makaikai ana ma Kuikalana, ma Palani ame Kelemania, no ka mea aole loa e hiki i kekahi ke hoike mai i na mea kupaianaha o kela mau aina, ke ole oia e hele makaikai maoli a ike maka nona iho." Ua naiia aku la o Tina i kona kokoolua, oiai hoi ua elemakule la e kau mai ana no kona mau maka me ka nanaina oluolu, a o ia ka Tina o ka pane ana aku. "Ua kaahele i'o ia e a'u kena mau wahi apau au o ka ninau ana mai nei, a he nui hou aku ia maiv wahi okoa a'u o ka makakai ana, a o ke kunni no hoi o ko'u ike mamuli no ia o ka hele pu' ana ma ke ano he ukali no kekahi hoaloha wahine." "A pehea, i Enelani nei no anei oe mamua? Ua makaikai anei oe ialoko o ko makou hale hoikeike, a ua ike anei oe i ka hale o na liana akeakamai?" "Aole au i ike ia mau wahi au e olelo mai nei, a o keia no hoi ka manawa mua loa a ko'u mau wawae o ka hehi ana i ka lepo o Enelani nei." "Ina pela, e lawe aku ana au e hoikeike ia oe iloko o ia mau wahi, iloko o kekahi o keia mau la aku," me ka lamalama ana ae o na maka o ua elemakule la, no kona makemake e ike keia opio i na mea kupaianaha a kaulana o kona aina. ' I kekahi la mai ? ua hele okoa aku la ka Ela e hui me kana kaikamahine a i aku la iaia: "I hele mai nei au e hoike aku ia oe e Katarina, ua makemake au e lawe hoomakaikai aku ia Tina no ka hale hoikeike o na mea kahiko, ame na wahi kaulana e ae." Ua kau e mai la nae o Katarina i kona mau lima iluna a i mai la: "Heaha hou aku ia mea au e makemake ai e kuu makuakane," me ka noke pu ana ae i ka akaaka, eia nae ua haawi mai la no oia i Eona ae, no kona makemake no e hoohauoli aku i kona makuakane. Ma kela auwina la, ua lawe aku la ka Ela ia Tina i ka hoomakaikai, ma na hale ana o kemailio ana aku ia Tina, a no ka pokole o ka manawa, aole he nui o ka laua wahi o ka hele ana, aka nae, ke kuhikuhi mau la no ka Ela i kona kokoolua ma o a maanei elike me ke ano oia mau hale nunui. Maloko nae o ka hale hoikeike laua i komo aku» ai, no ka makaikai ana ialoko, a oiai he hale nui maoli kela me kona mau l keena lehulehu, aole e hiki ia laua ke kele apau pono na keena i ka la hookahi, nolaila ua komo aku la laua maloko o ke keena e kakau ana o na kii o na Moi o Pelekane, a e noke mai ana no ka Ela i ka hoike ia Tina i ka moolelo o kela ame keia Moi, ua pa'-e mai la he leo mahope pono mai o laua, a i ko Tina lohe ana no i kela leo, ua- hoopuiwa kokeia oia, ka mea hoi nana i hookahaha pu aku i kona kokoolua no keia kumu o ke ano e o kona hoa. ® Ua huli koke aku la o Tina i hope ma kahi o ka leo ana o ka lohe

ana aku, a hoomaka aku la e hele me ka haalele atla mai i kona kokoolua, oiai hoi ka Ela e hakilo loa aku ana i ke ano o Tina, a iaia i ike aku ai i ka pili ana aku o Tina ma ka aoao o kekahi keonimana, ua lamalama ae la kona mau maka me ka piha hauoli no kela mau opio. 1 j Ia hoea ana aku no o Tina, ua haawi koke mai la ke keonimana i kona lima akau no ke aloha ana, a ninau mai la: "Ihea oe e kuu hoaloha kahi o ka pee ana, akahi no ko kaua halawai hou?" 0 ke keonimana nana keia ninau, aole ia he mea okoa aku, aka, 0 ka Haku no ia, ke keonimana i hoohihi ai i ke kaikamahine hana lihilihi maloko o ka halekuai o La Poka ma Brukela, a no ka ike ana mai hoi o ka Ela i ke kamailio pu o kekahi o na haku o Enelani me kana malihini, ua hele okoa mai la oia a halawai me laua, a oia ka Eneki o ka pane ana mai. "I ka makaikāi paha au me kuu makuahine ame kuu kaikuahine no hoi, a o ko makou huli hoi koke ana mai nei no ia i ka pule aku nei i hala," me ka lalau ana mai ika lima oka Ela. "Pehea kou ola kino e kuu haku?" "He maikai no ko'u wahi ola kiip, aka, nou nae, aole paha a u ninau ana aku, oiai ua oi maoli ke ola o kou kino ma kela huakai makaikai aku nei a oukou," wahi a ka JElla me ka awihi iki ana mai 1 ka oiwi kino o Eneki. Ua noke ae la nae o Eneki i ka akaaka, a no ka ike ana iho hoi paha kekahi ia Tina, alaila ua huli hou ae la oia ia Tina a pane aku la: "Aole ka paha oe e kala e noho ae nei i Ladana nei? He hauoli keia halawai ana o kaua me ka maopopo mua ole," wahi a ua Haku opio la me ka wehe pu ana ae i kona papale. "He mau pule wale ae nei no ko'u o ka noho ana ma keia ku'lanakauhale," i pane aku ai o Tina me ka minoaka hoohie ma kona papalina, ka mea hoi nana i hooia aku ia Eneki, aole oia i hoowahawahaia, a pana kapalili ae la ka puuwai o ua kaliaka opio la. "Ea e kuu Haku opio, ua kamaaina mua no ka paha oe i kuu malihini nei ?" i ninau aku ai ka Ela, me ka haawi hou ole aku i manawa no na opio e kamailio hou ai. "Ua halawai mua ,au me ia ia'u ma kela huakai makaikai a'u ame ko'u ohana ma Brukela," i wehewehe aku ai o Haku Eneki no ke ano o kona hookamaaina mua ana me Tina, a i ka lawa ana o keia mau hoakaka i ka manao o ka Ela, ua haalele mai la oia i na opio e kamailio no laua iho, oiai hoi oia i hele aku ai ma kahi kaawale mai ia laua nei aku'. 1 ka Ela no paha ka ike ua lawa keia manawa no ko laua hele makaikai ana i ka hale hoikeike o na mea kahiko, ua huli hoi aku la oia a loaā o Tina a pane aku la. "E huli hoi paha kaua, aia no hoi a hiki ia manawa hou aku, alaila lawe hou mai au e hoikeike ia oe ma kekahi mau keena hou aku 0 keia hale, no na mea au \ ike ole ai i keia la. "A nou hoi e kuu Haku, mai poina oe i ka hele ana ae e ia makou, i lohe aku ai hoi au i na mea houi ma kau huakai makaikai, a mai hoopoioa i ka lawe pu ana ae i kou makuahine ame ko kaikuahine, no ka mea ua hamama mau kuu home no ka hookipa alia aku ia oukou." "Ke hoomaikai aku nei au ia oe e kuu Ela, a aia no hoi a loaa ka \va kupono, alaila hele aku makou e ike i kou ohana," alaila ua huli ae la o Haku Eneki a hawanawana iho la ia Tina. "Ea, e kuu' hoaloha opio, e ae mai ana anei oe e hele pu aku au e ike ia oe i kekahi manawa?" "Aole e hiki ia'u ke ae aku i kau poi, oiai o ko'u noho ana aku me ka Ela nei, mamuli wale iho no oia o ko'u hoolimalimaia ana mai e kana kaikamahine no ka hana lihilihi ana, a ma ia ano, aole e hiki ia'u ke kono aku ia oe e hele ae e ike ia'u," i nana loa aku ai o Tina 1 ka Haku Eneki. "Ina pela ea, aole no i lilo kou kulana o ka noho ana aku me lakou i kumu ake'ake'a mai i ko'u hele ana aku e ike ia oe, a manao mai pana oe, e hilahila ana au, aole loa." A komohia aku la ka mahalo iloko ona no ko Tina huna ole iho i kona 'kulana oiaio, ana i manao iho ai, ina paha he poe kaikamahine okoa aku, e hilahila anaj lakou i ka hoike ana mai no ka noho hana ana aku malalo o kekahi j ohana. 1 "Auhea oe e kuu haku, ua haawi aku 1» au ia oe i ka pane a'u j i manao ai, aole he pane kupono e ae ma ko'u 1 aoao, a no ka nialama j ana no hoi i ke kulana maemae o kuu haku, ua hiki ole ia'u ke mahaoi j wale aku ma ke kono ana aku i kekahi o ko'u mau hoaloha elike me ka'u i makemake ai," wahi a Tina me ka leo e hooia aku ana imua o Hakir Eneki, s iia maopopo ia Tina kana mea e kamailio aku ana iaia. Ua kulou iho la ke poo o Eneki ilalo, no ka loa£f pololei ole ana mai o ka ae mai !ia Tina mai no kona hele, aku e ike iaia, aka nae, aole e hiki iaia ke hoole ae i ka pololei o na mea apau a Tina e hoike aku ana iaia, aka, iloko no nae o kona noonoo, e pale ae ana no oia i kona kulana hanohano, a e hele maoli aku ana no oia e ike i keia kaikamahine i hoolimalimaia e kekahi o na wahine lalawai o Enelani. j I ole ai no nae keia e kuhihewa aku i ko Tina ano maoli, nolaila | ua hoohele hou aku la keia i ka ninau ana ma ke ano hoomaoe: "Aiaj anei he mau kumu e ae a kuu hoaloha i makemake ole ai i ko'u hele ana akiv e ike ia'oe, ina paha he kulana okoa ae kona mai ke kulana ana e paa nei i keia manawa?" Ua lawa ka Tina nana ana aku maluna o Haku Eneki i mea no ua keonimana opio la e ike mai ai, i ka hauoli e loaa ana ia Tina, ina he hiki iaia ke kono mai iaia nei no ka helē ana aku e hui pu me ia, aka, ua pane mai la no nae o Tiiia me na huaolelo pokole: j "Aole a'u .mea e ae e olelo aku ai ia oe, koe wale no eia au ma ke j kulana hiki ole ke hoohana i ko'u manao ponoi iho, a ma ia ano e hiki no ia oe e kuu Haku ke haawi i kau olelo hooholo no ka'u pane oiaio." j Me kela pane hope mai ia Tina aku, ua hele pu mai la oia me laua a hiki i kahi o ke kaa o ka Ela. e ku aku ana, a iaia i haawi mai ai i kona aloha hope ia Tina, aia ka manao paa iloko ona, no kona hele aku no e ike i kela kaikamahine ina no ko lakou 'helē aku' i kahi 0 ka Ela me ka nana ole ae i ke kulana haahaa a ua kaikamahine nei e noho ana me ke Kauwawahine. /MOKUNAXIX. Iloko o ka manao mua ole o na opio no ko laua halawai koke, ua hui iho la nae laua iloko o ka manawa a laua i manao mua ole oi, oiai iloko o ieekahi mau la pokole mahope mai o ka hele makaikai ana o ka Ela me Tina no ka hale hoikeike, ua hoouna aku la o Katarina ia Tina e hele iloko o ka halekuai ma ke alanui Rikena no ke kuai ana i kekahi lihilihi a ua haku wal%ne la o ka makemake loa ana e loaa mai i kohu ai me kona lole e kom6 aku ai ma ia ahiahi. Ua hoea aku la o Tina no ka halekuai i kauohaia aku ai iaia e hele ilaila e kuai ai, a oiai oia e noke ana i ka lolelole i na lihilihi i kulike me ka makemake o kona haku', ua komo nui mai la kekahi poe iloko o ka lialekuai, eia nae aole o Tina nana aku ia lakou, aka, ke noke loa Ia no oia i ka nana i na lihilihi maluna o ke pakaukau kuai. Ua lilo aku nae i mea hoopilikia i ka manao o ke kupakako, mamuli o ka holomoku loa mai o ka poe hele e kuai lihilihi ma kela la, oiai he hookahi wale aku no kupakako ma\vaho ae o'na, e-hiki ole ai ia laua a elua ke hoolawa aku i ka makemake o keialieluna nui o ka poe kuai, a no ka loaa koke ole o.ka Tina lihilihi i makemake ai, nolaila ua noi mai la ke k.upakako nana e hoikeike mai ana i na liihilihi 1 ua kaikamahine la e kala aku iaia, no ka hele ana aku e ninau l i ka makemake o kekalii poe e aku, a noho iho la no hoi o Tina nana i ka nui o na lihilihi e mokaki ana imua o kona alo. He mau miniuke helu wale no paha ko ke kupakako o ke kaawale ana mai ia Tina aku, ua hele mai la kekahi mea a hoopa mai la ma kekahi poohiwi o ua kaikamgJiine nei, a iaia i ālawa ae ai .ihope, me kona haohao owai la hoi keie?e hoopa aku nei iaia, ua ike mai la oia ia La P&ka, kela haku hana ona o Brukela, a o ke kanaka hoi ana i holo mahuka mai ai mai iaia mai, e ku aku ana, a oia ka ua kanaka la oka pane,ana mai. . . "Aha! loaa pono iho la oe ia'u e kuu manu nunu. Ua noke no hoi au i ka liuli ia e, a malia no ka ka loaa ole, ua holo mai oe no Enelani nei. Aole i kupono o Enelani nei nou e noho ai, he kulanakauhale keia i piha me na hana ekaeka o kela ame keia ano, e lihi launa ole aku ai no ia Brukela, a pehea, ke manao nei au e hoihoi hou aku ia oe ilaila no ka hooponopono ana i kekahi o na hana au o ka haalele ana ae me ka holopono ole, ke hoomanao la no anei oe, no kela mau lihilihi a'u o ka aihueia ana?" Ke noke aku nei o La Poka i .ka luai i keia mau olelo me kona hoomaopopo ole, aka, o kana wale no e ike aku la, aia ke pii maui ae la ka ula ma na papalina o Tina, a i ka pau ana o kana kamailio ana mai, me kona manao e haawipio aku. ana o Tina, ua i aku la ua kaikamahine nei, me ke ku ana ae a maloeloe.

' "L T a ku maoli ika hilahila ole, ka hapa hope ona olelo au oka hoopuka ana mai nei e pili ana jio ka aihueia ana o ko maua lihilihi, j oiai ua ike maopopo no oe e La Poka, aole loa i paumaele ku-u mau 'lima i kela hana ekaeka." "Pe!a i'o no e ke kaikamahine, aka, aole nae e hiki ia oe ke ho--1 oiaio mai i kou liewa ole," a kulou loa mai la oia imua me ka manao e hawanawana mai ma na pepeiao o Tina, i ole ai e lohe waleia mai j kana mau olelo e kekahi poe e aku, aka, aole nae o Tina lioolohi aku, a i ole haawi aku paha i kekahi wahi hiona o ka hoihoi no na mea a La Poka i makemake ai e hoopuka mai imua ona. Ua lilo keia i mea no ua kanaka la e huhu ai, a hiki i kona hop •, okoa ana mai i kekahi lima o Tina, aka ua ueue ae la o Tina a liiki i ka haule ana aku o ka lima o La Poka ilalo, alaila ua huli papu aku la o Tina imua ona a i aku la: "Mai noho oe a hoao hou e hoopa mai ia'u, o kauoha koke ak;? auanei au i ke kupakako o keia halekuai e hele mai no ke kokua aiui ia'u, a o kou waiho wale ana mai ia'u pela, ke kumu e kau ole mai a: na hoopilikia ana malunā ou." Aole nae i lilol keia mau olelo a Tina i mea e hopo iho a: uu kanaka kolohe la, aka ua hene malie iho la kana aka, me he mea paani wale la no ia i kamailioia aku iaia, a o ia kana o ka pane ana mai. "E akahele e kuu kaikamahine, mai walaau nui iae oe, o makan: mai auanei," wahi a ua kanaka nei me ka noke ana no i ka akaaka. "Ua hooi loaia ae ko'u hoohihi nou, i kou hoike ana mai i kou maka'u olē ia'u, aka ke i hou aku nei nae au ia oe e aka,hele, no ka mea i hakalia wale no i kuu leo i ka pane ae, e lioea koke mai auanei ho inau makai maloko o keia halekuai, a hoopaa aku i kuu manu o ka mahuka ana mai iloko o ka hale manu." "O kau paha ia e manao nei e hiki ana ia oe ke hopu mai ia'u. aka aole loa e hiki e hookoia ko manao e kena kanaka ino, oiai eia au ma Enelani nei, kahi e hiki ole ai i ke kanawai ke lalau mai ia'u, a ina i manao oe, o ke alaheleia e hookoia ai o kau mau kuko palaivalelo, alaila e ku aku ana kaua a elua imua o ke akea no ke kaupaonaia ana mai e ka lehulehu, owai la o kaua ka i hewa, a'u uo e hoike e aku nei ia oe, he hana paakiki ka loaa ana o ka pono ma kou aoao e La Poka." He pipika ia o ua kanaka nei no keia mau olelo ku i ka wiwo ole i paneia aku e ke kaikamahine ana i manao kuhihewa loa ai, e liiki ana la iaia ke pulapu mai me kela mau olelo hooweliweli, eia ka oia aku ana ke ku i kahi o ka hoka. O ko La Poka hoea ana mai no ia i Laelana ma ia la, a oiai o keia halekuai a Tina o ka hele ana aku e kdai lihilihi, o ka hui no ia a La Poka e hoolako mau mai ana i kana mau lihilihi, a i kipa mai oia no ke kukakuka pu ana me na poo o ka hui, no na m'ea e pili ana i kana oihana, aka ia ike ana mai nae ana ia Tina, ua lelele koke kona oili i ka hauoli no keia halawai hou ana me ke kaikamaliine ana o ke kuko loa ana e lilo aku i wahine mare nana. Me he mea la nae no keia mau pule kakaikahi wale no a Tina o ke kaawale ana mai iaia mai, a i kela manawa ana i ike hou mai a! iaia, ua hooi loaia ae ka u'i ame ka nohea o ua kaikamahine hana lihilihi nei, ka mēa hoi nana i hooi loa ae i kona makaleho no ka mea ana e li'a nei e lilo i hooilina no kona mau manao palaualelo. "E hoi hou ana oe me a'u no Brukela," i hookanaaho wale mai ai 110 o La Poka ii kana kamailio ana. E hoomanao oe, aia kekahi nui ii pau pono ole ia oe i ka hanaia, a o ka hiki ole ana ke hookoia kela uhi m;are, i kulike me ke ana, au o ka hoolala ana, he mea auanei ia e ili mai ai ke koikoi o na ahewa ana maluna o'u. E hookikina aku ana au ia oe no ka huli hoi ana aku e noho mana ma na hana apau i pili i kela uhi mare, a mahope aku o ia manawa e nnoholo i>.' au i ka'u pono i manao ai nou." "Auhea oe e La Poka, aole loa e hiki ia oe ma na ano apau ke hookikina inai ia'u e hoi hou ,&ku e noho hana malalo ou, aole, aole loa!" walii a Tina, me he wahi ninau ano ole loa la ka i waihoia aku iaia no ka pane ana mai. "Aole loa he\pilikia o ka uhi mare o ke Kamalii Maraea oiai ua haawi aku au i na kuhikuhi apau : n.i knikamahine hana, no ka hana ana aku elike ]oa me kuu ana o ka liana ana a o ia ka'u o ka i ana ae la, aole loa he pilikia o kela lihilihi no kona paa me ka maikai.'' "A pehea iho la kekahi mau lihilihi e .ie a'u i makemake ai ia oe, no ka hana ana mai?" ' "Nau ponoi no ia e noonoo iho," wahi a Tina, me ka pii ana mai 0 ka maka'u iloko ona, malia paha e hele aku ana keia kanaka e ninau 1 kona wahi e noho nei, me ka manao e hookau aku i kekahi mau hana hoopilikia maluna ona, i wahi e ko ai kona makemake. "Auhea oe e Tina, ko ole kuu makemake no kou hoi liou' ana ae me au e hana ai, alaila ke i aku nei au ia oe, me ka hookamani ole, e hana aku ana au ma kekahi mau alaiiele hou ae, a hiki i kuu i.ke ana e lilo mai ana oe i wahine mare na'u." "Ēia, anei kuu hoalolia opio iloko o ka pilikia, e )iiki ai la'u ke kokua aku iaia ?" i pane mai ai kekahi leo me ka malie aku o Tina, ka mea hoi nana i hoopilia aku i ua kaikamahine nei me ka hauoli no kona ike ana aku ia Haku Eneki ka mea hoi ana o ka nnhi ana iho i kona laki no ka hoea ana mai iloko o ka manawa i maopopo mua ole iaia. MOKUNA XX. O u-a keonimana i'o nei ia, o ka hoea ana mai, a ia ike koke ana aku o La Poka ua pipika wale iho la no ua kanaka haakei nei, a noi mai la i ka Haku opio e huikala aku mamuli o kona hoopuka ana i na huaolelo maikai ole imua o Tina, aka ua puka mai nae ia mamuli o ka huhu, mamuli o ka aihueia ana o kana mau lihilihi e Tina, me ka holo mahuka ana mai ka mana mai o ke kanawai, a mai'iaia mai hoi kona haku hana. Ua hakumakuma ae la ka helehelena o Haku Eneki i kona lohe ana aku i na olelo a keia kanaka, aka aia nae ka liuhu axne ka manaoio ole iloko ona no na mea ana e lohe nei mai keia kanaka aku, a huki aku la oia'ia Tina ma kekahi aoao, no ka ninau pono ana aku iaia e hoakaka pono mai i ke ano o na olelo a La Poka. Ua hoike wikiwiki aku Ia o Tina ma ke ano nui i ke ano o ke kumu o ke ala ana mai o na hana imihana a La Poka iaia, a i ua kaikamahine nei o ka hooki ana iho i ka moolelo pili i kona 'mahuka ana mai, uāliuli mai la o Haku Eneki ia La Poka a pane mai la: "He oi loa kou pono e La Poka o ka waiho malie an'a ī keia kaikamahine, mamua o kou hokai wale ana mai n* kou mau manao lapuwale." "He kaikamahine aihne keia, a owai ia mea pilia ole i ka hoonaukiuki ina e aihueia ana kana mau lihilihi kumukuai nui, aia no paha kekahi ia oe la!" Ea mai hoao oe e hoopuka mai i kena mau olelo imua o'u, o ike aku auanei oe i ko haawiia e a'u iloko o na lima o ke kanaka oke aupuni. Aole loa keia kaikamahine i aihue i kekahi o kau mau lihilihi au e kahihi wale āe la no!" "Malia paha pela kou manao kuhihewa, aka aole e hiīa i keia kakamahine ke hooiaio mai, āole i pili ka hewa aihue iaia, oiai ua loaa P°no aku ka lihlihi, ua humuhumuia iloko o kona lakeke, a ua ike pono au a-me ka'u wahine hana, me ko maua mau maka ponoi, a o ka maua mau oleloike auanei ka mea nana e ahewa iaia, e hiki ole ai ke alo ae mai ke kau ana aku o ka hoopa'i maluna ona," wahi a La Poka me ka puupuu okoa ana aku ia Eneki. "A pehea ko hoike ana aku iaia nei, aole oia i hewa, a ua loaa aku ka aihue maoli ia oe, auhea ka mea pololei au e olelo mai» nei o ka mea anei au i hoike okoa aku ai i ka hewa ole o keia kaikam'ahine a i ole, o ko hoololi ana ae paha i ka hoopunipuni a ī mea oiaio i hookoia ai ko manao lili kohu ole?" ' He oiaio ua hoike aku au iaia pela, aka ina no au e hoole aku ana i ko u wa e ninauia mai ai e na luna aupuni, aole au e ku aku ana a hoike no ka pono o ka aoao o keia a o kekahi no ea, aole hemea e ae i ike mawaho ae o'ui ke kolohe'nana i aihue ī kuu mau hhihhi,' i pane mai ai ua o La Poka me ka noonoo ole i ke ano o kana mea e kamailio ana, oiai ua ike aku la oia i ka hene ana īho o ka aka a Haku Eneki, no ka ae okoa ana aku a keia kanaka no ka hewa ole o Tina, a na kela hiona o ka Haku Pelekane i hoopn aku i ka huhu iloko o ua kanaka nei, a hiki i ka hoopuka okoa ana ae ī na olelo hailiili ma ka olelo Palani, me ka puka koke ana aku īwaho o ka halekuai, aia no nae ke noke la i ka namunamu liilii la ha > ana aku oLa Poka, ua noke ae la o Bneki i ka akaaka n® ka puiwa honua ana o ke kolohe, a mama na wawae i ka liolo, aiaila, ua noho pu iho la oia me Tina, noke i ke kamailio a hiki i ka hu-h hoi ana mai o ke kupakako, a kuai aku la no hoi o Tina i kana mau lihilihi o ka wae ana ae na kona haku wahine, a iaia i makaukau ai no ka huli hoi ana aku no kona wahi, ua i kau la o Haku Eneki: (Aole i pau.)