Ka Nupepa Kuokoa, Volume XLVI, Number 25, 18 June 1909 — E HOOMANAOIA ANA NA MISIONARI MUA LOA O KE KIPA ANA MAI. [ARTICLE]

E HOOMANAOIA ANA NA MISIONARI MUA LOA O KE KIPA ANA MAI.

I kulike ai me ka hooholo ana a ka I Ahahui Paeaina i noho iho nei ma ] keia kulanakauhale, aia aku la ma Kailua, Kona, Hawaii kahi a ka Aha j e noho hou mai. ai i keia makahikl ae; a oiai hoi o "kahi mua loa ia a na Misionari o ke kipa ana mai, nolaila © hoomanaoia ana he kia hoomanao no ma ia manawa e noho ai kela aiha. Ma na mea 1 hoomaopopoia i keia j manawa, ua haawi e ae no kekahi poe kuonoono o Hawaii i ko lakdu ohohia no ka noho ana aku la o. ka Aha ma kela wahi, mamuli o ko lakou haawi e ana ae i ka lakou mau kokua no na mea e pono ai na l£rta o ia Aha. Iwaena o na hana a ia Aha e noho mai ai, e malamaia ai he mau hoomanao ana no ka poe na lakou i lawe mua loa mai i ka malamalama o ka Euanelio i Hawaii nei ,a e kukuluia ana i kia hoomanao nb lakou me ke kakauia o ko iakou mau inoa pakahi, i mea e hiki ole ai ke hoopoinaia e keia hanauna hou, ame ka poe apau e kipa aku ana ma Kailua, Hawaii. Ua hoea mua mai na Misionari i Kailua maluna o ka Moku Thaddeus i ka la 31 o Malaki, 1820, ua like hoi ia me kanawalu-kumamaiwa makahiki i hala ae nei, a ke noho aie nei na Hawaii i kela mau makua Misionari t\a lakou i wehe i ka ipuka o ka pouJi o ka hoomanakii mai na Hawaii aku. I ka loaa ana aku o ka lohe i ka Elele Alii Kalanianaole no ka noho' ana aku o kela akha' Kaiiua, ua hookuu mai oia i na hale i maa i ka nohoia e na Moi i ke au i hala, no na lala o kela aha e noho aku ai, a ma na mea no i wawaia ae i keia manawa, e nui ana ka poe e 'hiki ae ana ma kela Aha i keia makahiki ae.