Ka Nupepa Kuokoa, Volume XLVI, Number 25, 18 June 1909 — KAA KE EO O KA HEIHEI MOKU IA HAWAII Pau ka Nui o na Moku e ae i ka Haule ma ka heihei Mai honolulu a Maui a Huli Hoi Mai. [ARTICLE]

KAA KE EO O KA HEIHEI MOKU IA HAWAII

Pau ka Nui o na Moku e ae i ka Haule ma ka heihei Mai honolulu a Maui a Huli Hoi Mai.

Ma ka heihei moku i malamaia ma ke ahiahi o ka Poaha aku nei o ka 7>ule i hala, mai Honolulu aku nei a hiki i Kahului, ua kaa ke eo o ia heihei i ka Mokuheihei Hawaii, a ma ia huli hoi ana mai no no keia awa, ua kaa hou no ke eo iaia, a pau na moku o ae i ka haule. Ua haaleie iho na moku heihēi ia Honolulu nei ma ka hapalua o ka hora eino o ke ahiahi o ka la i oleioia, a j aole i loihi aku ia holo ana a lakou, ua kaa aku la o Hawaii mamua, me ka pilipili loa aku o Kamehameha mahope ona, a ia kaa ana aku mawaho o Daimana Hila, ua hahani loa o Kamehameha mahope a hiki 1 ke kaa ana mamua. . Iloko po a hiki i ke ao ana, ua mamao ioa o Kaiiiehameha mamua o na moku e ae, a he umi-kuma-malima mile hoi mai ia Hawaii aku, a mamuli wale no o ka loaa ana i ka pohu la'i l kaa ole ai ke eo iaia. Mawaho ae o Waihee i loaa aku ai o Kamehameha ia Hawaii, oiai ua loaa pono o Hawstii i kekahi kikiao makani, a i kela manawa i loaa aku ai o Kamehameha he iwakalua wale no minuke mamua ae o ka hiki ana aku i ka pahu eo, Ua hoea aku o Hawaiī i ka pahu eo

i ka hora 5:56:42 ma ke ahiahi o ka Poalima, a o aku i ka hora 5:59:30. O Gladys kekahi i ukaii pu aku me kela poe mokuheihei, a oia ke kolu o na moku o ka hoea ana aku, i ka hora ewalu me ka hapa, a he iwakalua minuke i hala o ka hora eiwa i hoea aku ai o Concord, a aole i hoea aku o Luka a hiki i ka fiora 5:22 o ke kakahiaka Poaono ae. Ua hoohaiaia e na kanaka o na mokuheihei he mau la ma ka makaikal ana 'ma kekahi mau wahi o Maui, me ka haawiia ana he mau ahaaina no lakou e ko Maui poe, a ua lilo ia mau la i mau la hauoli ia lakou me ka nana ole ae, no ka haule ana o kekahi mau moku ma kela heihei. Ma ka auwina la o ka la Sabati ae, a ma ka hapalua o ka hora ekolu l haalele aku ai ua mau moku heihei nei ia Kahului me kekahi makani Ma ia huli hoi ana mai a lakou o Concord ame Hawaii na moku pilipili loa, i kekahi manawa e ol ana o Concord mamua, a e haule aku ana ihope, a no Luka ame Kamehameha ua mamao loa laua mai keia mau moku aleu. I ka hele ana a poeleele, aia ua poe moku nei mawalio ae o ke kahua ma'i

lepera ma Molokai, oiai no nae o Hawaii e holo ana neu mamua, a haule loa na moku e ae ihope. Ma ia po ana iho, aole i loaa iki mai o Hawaii i kela poe moku a hiki i ka hoea ana i ka pahu eo i ka hora ekolu a oi o ka wanaao Poakahi nei. Penei iho ka manawa i holoia e keia maū moku, ma keia mau alahele a elua: Hawaii, Hiki l Kahului, 23 hora 26 minuke 42 sekona. Hoea i Honolulu, 11 hora, 54 minuke, 38 aekona." Kamehameha, Hoea i Kahulul, 23 hora, 29 minuke, 38 sekona. Hoea i Honolulu, 14 hora, 26 minuke, 20 sekona. Concord, Hoea i Kahului, 26 hora, 50 minuke, 00 sekona. Hoea i Honolulu, 12 hora, 00 minuke, 30 sekona. Luka, Hoea i Kahului, 26 hora, 00 minuke, 00 sekona. Hoea i Honolulu, 18 hora, 12 minuke, 00 aekona.

E anaia ana ke ala e hoomoe ai t alahao mai Cloncurry ae a hlk£ 1 ke Kaikuono o Carpentaria ma Auseteralia.