Ka Nupepa Kuokoa, Volume XLVI, Number 25, 18 June 1909 — HOPUIA NA ALAKAI O NA KEPANI OLOHANI [ARTICLE]

HOPUIA NA ALAKAI O NA KEPANI OLOHANI

Mahope iho o ka hora eha o ke ahiahi o ka Poalua o ka pule i hala i lalau aku ai na lima o ke aupuni maIuna o na alakai o ka Ahahui Ukuhana Kiekie, a o ke kumu hoi nana i hoeueu ae nei i na hana olohani iloko o na mahiko, a noho ana jioko o kahi paa o ke aupuni. Mawaho ae o. Makino, Negoro ame Sogā, he heluna nui o na Kepani i manaoia o lakou pu kekahi iioko o na hana ohumu olohani i hopu puia ae e Makai Kiekie Wm. Henry ame kona hope. Mai paa ole no o Makino i ka hopuia, ina aoie oia i hele pu aku me kona hope, ka maheleolelo Kepani Mr. Doyle, no ka mea ia laua i hoea aku ai no kahi hana o Makino maluna o ko laua kaa otomobile, ua hoole mai Ja ka poe olaila aole lakou i ike i kahi o Makino o ka heie ana, aka he hookahi nae o lakou i hele aku i ke keieponia, a maihuli o ko Mr. Doyle lohe i ka olelo Kepani, pela i maopopo ai iaia na me'a e kamailioia ana a o ko iaua holo koke no ia me Wm. Henry no kahi a Mlakino e noho mai ana, a o ka paa iho la no ia i ka hopuia me Negoro.

I ka manawa i iohe aku ai o Llght.foot no ka paa ana o na alakai o ka poe olohani, ua hooikaika koke oia o imi t na al&hele e hookuuia mai ai lakou, aka aole nae i holopono ia hana ana ana. Maloko o ka halepaahao lakou kahi i moe ai ma kela po a hiki 1 ke ao ana ae, a o leeia hoi ke kumu i hiki ole ai ia Makino ke holo aku ilalo o Ewa, np ka malama hou ana i kekahi halawai iwaena o ka poe olohani. Ma ka Poaiima ae i noke aku ai o Loio Lightfoot i ka nonoi imua o ka Aha Kaapuni no ka hōokuuia mal o na alakai olonani, mamuli o ka palapaiapala hookuu kino, aka a po wale nae ja la, aole i ae iki. ia, a pela i elua ai po i hoohalaia e Makino ma maioko o ka haiepaahao. Ma ka Poaono ae, ua hoolohe maoii ia ka hihia imua o Lunakanawai Wihitney, a kaa hou ka nui o ka manawa o na loio ma ke kamailio ana no ka bela o ka poe i hoopiiia, eia nae ua hoopaneeia, mai a hiki i ka hora eiwa o ke ka"kahiaka la. Sabati ae, a ma ia la i hoopuka mal ai ka lunakanawai i ka bona o $250 pakahl no ka poe i hoopiiia.