Ka Nupepa Kuokoa, Volume XLVI, Number 26, 25 June 1909 — HOOLEIA KA HOOPII A KE KAKAUPOKOLE [ARTICLE]

HOOLEIA KA HOOPII A KE KAKAUPOKOLE

Ma ka hooloheia ana o ka hoopii a Kakaupokole Mr. Lloyds imua o ka Aha Kiekie ma ka Poaono i hala, i hoopuka mai ai ka aha i kana olelo hooholo, e hoole aita i ke koi no ka pololei ole o ka palapala hoopii. E hoomanaoia, he koi keia i waihoia aku imua o ka Aha Kiekie no ka ukuhana o Mr. Lloyd ma kona ano kakaupokole no ka Hale o na Lunamakaainana nō k'a huina o elua haneri me ka-nahiku-kumamaiwa dala me kanaiwa keneka. Mamuli o kona hoopauia <ana aku mai kona noho kakaupokole ana no kela hale, i ala mai ai keia hoopii koi i kona ukuhana, aka nae ma ka manao o ka olelo liooholo a ka Aha Kiekie, aole i hoakaka ponoia maloko o ka palapala hoopii, ua loaa aku ka mana i na lunanui o ka Hale o na Lunamakaainana e hana i mau aelike, a ma ia ano i haule wale ai ka hoopii. I kulike ai nae me ka pono o ka mea hoopii i haawiia e ke Kanawai, ua loaa no iaia he manawa o elima la e hooponopono hou ai i kana hoopii a waiho hou aku imua o ka aha ke manao oia e hana aku pela. Ma ka Poalua nei i waiho hou aku ai ka mea hoopii, ma o kona mau loio la he palapala hoopii i l>Doponoponoia e like me ka mea i makemakeia.