Ka Nupepa Kuokoa, Volume XLVI, Number 26, 25 June 1909 — E LAWE ANA KA MAUNA KEA I KA POE MAKAIKAI NO HILO. [ARTICLE]

E LAWE ANA KA MAUNA KEA I KA POE MAKAIKAI NO HILO.

Mamuli o ka nui o na leaiea o ka Po Kiulai e malama houia mai ana ma Hilo i ka Ua Kauilehua i keia mahina ae, nolaila eia ke hoolala mai nei ka Hui Moku Holo Pili Aina, no ka hali* liali ana aku o ka Mokuahi Mauna Kea i ka poe apau e makemake ana e ike i na lealea ma Hilo. O keia kekahi o na liuakai 'a ka hui mokuahi e manao nei he manawa maikai loa no ka poe apau e makemake ana e liele ma keia huakai e ike ai i ka Luaopele, me ka auhau oluolu loa. E haalele iho ana ka Mauna Kea ia Honolulu uei ma ka liora ekolu o ka Poaono o keia pule ae, a e hoea aku ana ma Hilo ma ke kakahiaka o ka la Sabati ae. 0 ka poe e makemake ana e hele e makaikai i ka Luaopele, e kau koke ana lakou maluna o ke kaaahi no ka liaJe hookipa ma kalii kokoke i ka lua, a he manawa maikai loa liōi no lakou e na.na ai i ka pele ma ia po iho. , Ma ke kakahiaka o ka Poakahi e huli hoi mai ai lakou no ke taona o Hilo 11 o ka makaikai ana i na lealea o ia la, mai na heihei lio a na lealea e ae. Mahope o na lealea e kau hou ai ka poe makaikai maluna o ka Mauna Kea ma ia ahiahi Poakahi, a huli hoi mai no Honolulu nei, e ku mai ai ma ke kakaliiaka o ka Poalua ae. O ka uku o keia h.uakai no ka hele ana ame ka huli hoi ana mai, he umikumamālima wale no dala;, a ina e hui puia mai ana me na hoolilo no ka hele makaikai ana i ka Luaopele, alaila e hiki aku ana i ka iwakalua-kumama-lima dala īia hoolilo apau.