Ka Nupepa Kuokoa, Volume XLVI, Number 27, 2 July 1909 — KAILIIA KA PAPAA PALENA A IA MAU MEA [ARTICLE]

KAILIIA KA PAPAA PALENA A IA MAU MEA

Oiai ma ka Poakolu aku la i hala i pau ai ka haawina i hooholoia ai no na keena aupuni lehulehu o ke Teritore, a i kulike ai hoi me ka bila haawina hou i hooholo ia iho nei e ko kau i hala aku, ua hoopauia ae ho elua mau kanaka hana oloko o ke keena Puuku ma ka Poakolu nei. Mamua o ka waiho ana aku o Mr. Hemenway i ke kulana Puuku ana i paa iho nei no ka manawa, ua hoiko ae la oia i kona kaumaha loa no ka hiki ole ke au'a mai i ka poe hana apaū oloko o kela keena, oiai ua uuku mai ka bila haawina e lawa pono 010 ai na hoolilo o kela keena no keia man makahiki e nee aku nei, ina e hoomaa

ia aku ana no ka poe hana apau oloko o kela keena. Ma ia kumu ua kailiia aku la ka papaa palena mai ia George Smithies ame Gus Rose aku. He hope Komisina Inisua ko Mr. Smithies kulana maloko o kela keena, a he kakauolelo laikini hoi ko Rose, a o laua a elua ka i komo aku la iloko o ka helu o ka poe pallalaki, mamuli o ka manao hoemi lilo o ke aupuni.