Ka Nupepa Kuokoa, Volume XLVI, Number 27, 2 July 1909 — HOOKU'I NA KAA PAUMA I KAHI HOOKAHI Halawai o Mrs. Louisa Sylvester me Ka Make Ulia Manaonao ma ka Po o ka Poano i Hala. [ARTICLE]

HOOKU'I NA KAA PAUMA I KAHI HOOKAHI

Halawai o Mrs. Louisa Sylvester me Ka Make Ulia Manaonao ma ka Po o ka Poano i Hala.

Mamuli o ka hooku'i ana o kekahi mau kaa pauma ma ke alanui kaaahi ma Koolauloa ma ka po o ka Poaono aku nei i hala, ua loaa iho la ka ulia poino ia Mrs. Louisa Sylvester, o Hauula, a o ka hopena o ia uiia o ia no kona make ana oiai e laweia mai ana oia no ka lapaauia ana ma Kahuku. He nui no ka. poe majuna o kela mau kaa pauma, aka he mau wahi eha liilii wale no ka i loaa aku ia lakou, a 110 kela wahine hoi, ua haki maoli kona papa auwae me ka naha pu o ke poo. Ma ka mea i hoikeia mai i keia kpena mai Laie mai, he po hauoli maoli ka po i loaa iho la o ka ulia i kela -wahine, o ia hoi, he elua mau kaa pauma holoholo po mahine o ia po. He hookahi kaa mai Kahuku aku nei, he mau keonimana ame na lede i hiki aku ko lakou heluna ma kahi o ka umikumamaha, a he kaa okoa mai no hoi ko Hauula mai, i piha no i na lede ame na keonimana. O ko Hauula kaa mai ka i lako i ke kukui, a he holo wale aku no ko Kaliuku kaa. Ike e aku nei nāe ka poe o ke kaa mai Kahuku aku i ke kukui 0 kekahi kaa, ua pau nui aku la lakou 1 ka lele ilalo, a koe aku la no ke kaa

pauma iluna o ke alanui hao, a ke nanea mai la hoi ke kaa o Hauula i ka holo a hiki i ke kokoke loa ana e hooku'i na kaa a elua, akahi no a ike ka poe oluna o ke kaa mai Hauula mai i ka poino, a hoomaka aku la e lele ilalo. Mai pakele no na mea apau o kela kaa hope mai, koe wale no ka hihia e ana o ko Mrs. Sylvester lole a hina ilalo mamua pono aku o ke alahao, a i ka manawa i hooku'i ae ai na kaa, ua o-pa. puia aku la oia a hiki i ka loaa ana iaia o na poino kukonukonu. Ma ke kihi o Laiemaloo ame Kaipapau kahi i loaa ai kela ulia poino. He elua mau mea mawaho ae o ka mea i make i loaa i kekahi mau palapu eia nae aole laua e poino ana. Ua hookau houia ke kino o Mrs. Sylvester maluna o kekahi o na -kaa pauma, a hoihoiia mai la no Kahuku e lapaauia ai, eia nae mamua o ka hoea ana aku i Kahuku, ua lele loa ae la kona aho. Ua nui na hoaloha, na makamaka ame n'a ohana o ka mea make i hoea ae ma ka home o kana kane, mamuii o ka lohe ana aku i keia make hikiwawe ana o keia wahine kamaaina i kapaia aku e ko Koolau poe i ka wahine lokomaikai a heahea i poe apau e kipa aku ana ma ko laua wahi.