Ka Nupepa Kuokoa, Volume XLVI, Number 27, 2 July 1909 — HE LEKA MAI NA ELELE C. E. MAI. [ARTICLE]

HE LEKA MAI NA ELELE C. E. MAI.

So]omon Ilanohano, Honolulu, Aloha kaua: —Ua haalele aku makou i na kaiaulu o Hawaii aloha ma ka hora 10 o ka Poalua nei, a mamua o ka uhi ana mai o ka p;, ua nalowale aku la o Oahu ame Molokai, a ma ke kakahiaka ae eia makou i ka moana akea kahi i holo ai, inaikai makou apau, o ka Peresi'lena wale no a makou ka mea poluea iki maikai ka moana, a maikai no hoi keia moku, aole hoi e like me na moku holo pili aina o kakou ka lola, o keia aole. Ke knkau nei au ia oe i keia Ia (Poaono; ma kahi he 890 niile mai Honolulu mai, o ka 4 la keia* o makou ma ka. moana nei, he mau hora loihi ko makou i hoolana iho nei i keia la, mai ka hora (i mai a hiki i keia auwinai la hora ekahi a oi akahi no a nee hou ka ! moku iniua. E hoomanao oe aole makou i hiki aku i ka hapalua o ke alahele. Ina aole e pauaka hou keia moku alaila, pae paha makou i Kapalakiko i ka Poaha. Kaalo ae la ka Alameēa ma ko makou aoao i ka po nei hora 10 no Kapalakīko a o ka Lurline lioi no Honolulu i keia la mahope o ka hora eka* hi. Ua nui ke kuaki o na ohua, a o maleou no hoi kekahi no ka poloke mau o na mea hana o leeia moku, aka o ka hoomanawanui wale no ka mea e pono ai. Ke ano maa aku nei makou i keia ano noho ana, a ina e p«'iu ana ka pule alaila, ua ku a nanea maoli, o ka heluhelu,buke, himeni na haua a makou e hoohala manawa ai a ke ano maamaalea loa aku nei makou i ka himeni. O ke keiki o Waialua ka makou solo, a o ka Peresiflena no hoi ka hookani piano. Launa mau mai na aliimoku a me na ohua me makou me ka oluolu, a ua hanai ia makou me na inea ai maikai. E hoonani nuiia no ke Akua. Ua pau iho la ka makou mau tini poi o ka lawe ana mai nei, eia nae ua lioolako no ke kuene he 10 galani pahu poi o luna nei o ka moku, aole paha e pau ia poi a pae makou ika aina. j La Sabati, lune 20. —Eia makou ma kahi he 1141 mile mai Honolulu mai, nani keia la, malie maikai ka moana J a ke pa mai nei ka makani me ka huilmi maikai, mamua pono mai. Kaalo ae la ma ko makou aoao akau ka mokuahi China no Honolulu, liora 10:30 a. m. O na meahou o Honolulu ma ka uwea olelo eia ia makou kahi i nana ai, kupaiauaha no na hana o keia au me mua. I keia la e kamailio ai ko makou mea hana uweaolelo me Kapalakiko ame ka mokuahi Alameda, oiai oia mainua o makou. Poakahi, lune 21.—Nani keia la, maikai makou apau. I ka hora 4:30 a. m. kaalo ae la he mokupe'a ( ) e holo ana no Honolulu. Like no ka malie o keia me nehinei, maikai makou apau loa, he 271 mile o maleou i keia la. Poalua, lune 22. —La ino keia ma ka hikina Akau mai ka makani, hoomaka Wi mai ka po nei maj, ke nee pu mai nei ke anu, ke aahu nei makou i na kuka mehana, maikai makou apau loa. He 263 mil.e o makou i kēia la. Eku ana makou-1 ka la apopo, pela mai nei ke Kapena, aole ihakou e lele ana a hiki i ka Poaka. Hanupanupa ka eile o ka moana aka 0 ka I ka hora 10 iho neio , keip. kākahiaka piha ko makou hookahi pule iluna o keia moku. Poakolu, he -1& ino nvaoli keia, he 1 ka hora jl2», p, a\yakea ua like kia 228 mile a makou i holo mai nei a hiki Hilonian me kahi āpaiia papa e puhi hele ia ana e ka makani, no makou a ike i ka ino o ka moana aneane no e pau loa na rumi i ke komo ia e ke kai. Ke olelo mai nei ke Kapena e komo ana makou i keia po i ka hora 12 paha. Hora elua keia o ka auwina la, aole wahi ike aina ia aku, o ke kuakea wale no o ka ale ame na manu e lele poai ana ka makou: e ike ,aku nei. Iloko o keia ino nui o keia la ua maikai na elele apau. Maikai ka Peresidena. E hooki ana au i ka'u leka ia oe ame na leka e ae a makou apau, a ina loaa he manawa ke pae makou i j ka aina alaila kakau hou aku paha. 1 Mamua o ko'u hooki ana i keia, ke haawi aku nei makou (na Elele C. E. o Hawaii) i ko makou aloha nui i na Ekalesia, na Kula Sabati ame na Ahahui C. E. apau o ke Teritore o Hawaii. Ns* ke Akna e kiai ia kakou a hui hou. Mai poina ia mabou ma keia huakai malihini no ka hana a ke Akua iloko o Hawaii aloha. Me ke aloha nui, Na 'u no, NAHONOAPIILANI.